هذي اوقاته// اتمنى تكون الساعات اتضحت لك..

*؛؛شموخ ؛؛*
اختي والله دائما راعية تكميل وماعليك قصور
بس اذا مافيها كلافه تشرحيلي شوي على سبيل المثال السطر الاول من الجدول
يعني (فيرست باص) معناه اول باص ينطلق الساعه 9 و50 دقيقه طيب ايش الفرق بين كلمت ( لاست كمبليت تاور )
وكلمة ( لاست باص ) هل المقصود انه اخر باص ممكن اركبه واخذ جوله هوا باص الساعه 16 ام مسموح الركوب حتى اخر وقت تحت اللي مكتوب (لاست باص)

اسمحلي على المداخله
المقصد والله اعلم الجدول اللي بالنص يقصد فيه اخر وقت للرحله فلو فرضا نزلت في اي مكان وانتهى وقت الرحله في هناك باصات بعد الرحله تاخذ الناس بالوقت الفلاني اللي مسجل في اخر جدول
عموما يعني لو انا منك اخلي ركوبي للباص من الصبح حتى تشوف كل شي عدل وتتمشى وتاخذ راحتك
وصدقني كلها 9 محطات يكفيها نص يوم مع التمشي

اختي والله دائما راعية تكميل وماعليك قصور
بس اذا مافيها كلافه تشرحيلي شوي على سبيل المثال السطر الاول من الجدول
الله يجزاك بالجنه شكرا لك...
ولاكلافه ولاشي تامر امر..
ونفس ماقال اصيل ربي يوفقه اللي بالمنتصف نفس الباص اللي اخذته
يستكمل تنقلاته على الساعه المعروضه
ولكن فيك تغير الباص الى آآآخر لانها متعدده في اي وقت واي توقف
مسموح لك
========

أصيل العود
يااصيل يااصيل العود انت تدخل وتكتب اللي تبيه من غير اذن ولا شي لان كل حرف تكتبه فيه فايده وتفوح منه ريحت العود الاصيل ياغالي
سؤالي كان له مغزى وهوا اني احب السهر والتمشي في الليل وكثر الكلام عن الامان في باريس بالليل ناس ايدت وناس لا وناس حذرت من بعض الامكان فاقلت اختصر الموضوع واتمشي بالباص في الليل احسن من المترو لان فيه بعض الاعضاء قالو ان المترو في الليل يخوف ويقلق

*؛؛شموخ ؛؛*
ادري اني غثيتك وطفشتك وبديت استحي من نفسي من كثر الاسئله
بس سؤال اخير تكفين
الان الوقت اللي باخر الجدول الساعه 18 اقدر اركب في هذا الوقت الباص وياخذ جولته على الامكان السياحية ولا يقولي خلاص قفلنا انتى وقت الجولات
مثال
لو فرضنا ان وقت الجوله كله على المعالم ساعتين وركبت من الباص اللي في الشانز واخر الوقت مكتوب حسب الجدول انه 19:54 ممكن اركب في هذا الوقت و الف فيه ويرجعني لنفس الموقع بعد ساعتين يعني يرجعني الساعه 21:54

أظن المقصود هو أن آخر باص في المكان المُعيّن ، ساعته جذي
فالباص الأخير اللي يمر على برج إيفل هو الساعة 6 وربع
والباص الاخير اللي يمر على الشانزليزية هو الساعة 7 و 54
وهكذا دواليك ..
والله اعلم .

aboretal
سؤالي كان له مغزى وهوا اني احب السهر والتمشي في الليل وكثر الكلام عن الامان في باريس بالليل ناس ايدت وناس لا وناس حذرت من بعض الامكان فاقلت اختصر الموضوع واتمشي بالباص في الليل احسن من المترو لان فيه بعض الاعضاء قالو ان المترو في الليل يخوف ويقلق
حبيبي احرجتني بكلامك اسمع مني يا غالي المترو ما يخوف بالليل لسبب واحد على طول زحمه ومحد له شغل فيك
والباص الاحمر ماراح يرضي غرورك صدقني
انصحك في الباص الاصفر 52 محطه يعني في يومين بعدها تزهق حياتك تقول خلاص برجع لديرتي ههه انا مجرب الاثنين ولو ربي عطانا عمر بروح حق الاصفر واشيل من مخي الاحمر
وترى على فكره الشمس ما تغيب الا على ال10 بالليل عندهم يعني 11 بالليل بتوقيت الكويت
انت خل تمشيك لو معك اهلك لي ال12 وقبلها وسلامتك
في توقيعي تلقى موضوع لي عن فرنسا لاني توني راد من فرنسا وذاكر كل شي مريته في رحلتي وتفاصيل مهمه راح تفيدك باذن الله اتمنى تقراه وتشوف اللي يسرك واي شي يشكل عليك عندك موضوعي اطرح فيه اسئلتك اللي تبي لو 1000 سؤال تكرم عينك

اخوي اصيل العود لو تقدر تحط جدول الباص الاصفر و اماكن الوقوف ، و من وين الانطلاق يكون ؟؟
انا كنت ناوية اخذ الباص الاحمر بس حمستني اجرب الاصفر لان اماكنه اكثر ، و بصراحة اماكن الباص الاحمر اغلبها رايحتلها بالميترو
بانتظارك