روزماري
29-12-2022 - 01:02 am
لقيت موعد الحمدلله وطبعت التأكيد بس عندي شوي استفسارات لاهنتو
1- تعريف العمل اترجمه في مكتب ولاشلون ؟؟ ولازم تصديق من ادارة التعليم ولا اكتفي بختم المدرسه؟
2- كشف الحساب افضل اسويه كم شهر؟؟ ومثل مافهمت انه لازم بالانجليزي صح؟؟
3- اخوي واختي طلاب وابوي راح يتكفل بمصاريفهم كامله وش المطلوب منهم من اوراق ؟؟
4- الوالد متقاعد شلون يجيب تعريف من العمل والراتب؟؟ يكفي خطاب مصدق من الغرفه التجاريه مثلا
بما انه رجل اعمال ؟؟ وكشف حسابه؟
5- اقدر اعدل في الابليكيشن؟؟ يحتاج اطبعه من جديد؟ يتغير الموعد ولا لا؟
6- الموعد لنا كلنا ومكتوب في ورقة الموعد لازم اقارب من الدرجه الاولى (زوج زوجه ابن ابنه ) عادي هالشئ
7- جوازي باقي له سنتين تقريبا وينتهي هل هالشئ يأثر على منح الفيزا ومدتها؟؟ انا ابي خمس سنوات طماعه
8- المقابله ندخل سوا ولا كل واحد لحاله؟؟ لان اخوي صغير واخاف يتوهق بالاجابات وهل صحيح ان مقابلة
البنات مافيها تدقيق ويمشونهم بسرعه؟؟؟
9- يحتاج اسوي مخطط للرحله ولا ماله داعي ؟؟
10- اخوي يدرس هناك وحطيت عنوانه بس مااتوقع نروح عنده لو سألوني وش اجاوب؟
السموحه على كثرة الاستفسارات ياليت اجابات شافيه عشان مااتعنى للرياض واسافر واخرتها تطلع اوراقنا ناقصه
دعواتكم انها تتيسر وناخذ الفيز على خير
نعم يكفى فيه الراتب وتاريخ بدايه العمل والتصديق من اداره التعليم افضل ولكن ليس ضروري المهم يكون موقع ومختوم والتصديق افضل
2- كشف الحساب افضل اسويه كم شهر؟؟ ومثل مافهمت انه لازم بالانجليزي صح؟؟
افضل شي تسوي كشف الحساب ستة شهور ويكون باللغه الانجليزيه
3- اخوي واختي طلاب وابوي راح يتكفل بمصاريفهم كامله وش المطلوب منهم من اوراق ؟؟
مطلوب منهم خطاب من ابوك انه يتحمل مصاريف الرحله ومصاريفهم
4- الوالد متقاعد شلون يجيب تعريف من العمل والراتب؟؟ يكفي خطاب مصدق من الغرفه التجاريه مثلا
بما انه رجل اعمال ؟؟ وكشف حسابه؟
يقدر يجيب مايثبت انه متقاعد وخطاب من التامينات براتبه او يسوى له خطاب من اي شركه ويصدقها بالغرفه التجاريه
اذا كان رجل اعمال والتصديق غير ضروري ولكنه افضل بكثير من الخطاب الغير مصدق
5- رسوم السفاره لازم اروح البنك ولا عادي اونلاين؟؟ وهل الايصال يكفي اطبعه واخذه
تقدرين الاثنين وشخصياً افضل التسديد بالبنك افضل
6- الموعد لنا كلنا ومكتوب في ورقة الموعد لازم اقارب من الدرجه الاولى (زوج زوجه ابن ابنه ) عادي هالشئ
اتوقع مافيه مشكله ولكن ماني متاكد من هالنقطه ارجو تستفسري عنها
7- جوازي باقي له سنتين تقريبا وينتهي هل هالشئ يأثر على منح الفيزا ومدتها؟؟ انا ابي خمس سنوات طماعه
ماياثر ابدا ويعطونك خمس سنين ان شاء الله اذا وافقو على طلبك بغض النظر عن المتبقى بجوازك
8- المقابله ندخل سوا ولا كل واحد لحاله؟؟ لان اخوي صغير واخاف يتوهق بالاجابات وهل صحيح ان مقابلة
البنات مافيها تدقيق ويمشونهم بسرعه؟؟؟
الدخول مع بعض لجميع المتقدمين بموعد واحد وبنفس اللحظه
9- يحتاج اسوي مخطط للرحله ولا ماله داعي ؟؟
ماله داعي واذا سويته مايضرك ويفيدك
10- اخوي يدرس هناك وحطيت عنوانه بس مااتوقع نروح عنده لو سألوني وش اجاوب؟
قولي لهم الحقيقه ان اخوك يدرس هناك وماهو معقول تقولي اخوي بامريكا ويمكن ماازوره بامريكا ههه خليك منطقيه شوي
والله يسهل لك واهم شي خذي معك كل شي ويمكن مايطلبون منك الا طلبات بسيطه ولكن عدم توفرها ممكن يكون سبب لرفضك لاقدر الله
والله يسهل لك وباقي عليكم تدعو لنا