وعليكم السلام. أولا حياج الله بالكويت
ثانيا راح أجاوبج علي بعض الأسأله بالنسبة لدراريع الهام الفضالة عندج مجمع العربيد بالفروانية بس لازم أول يوم توصلين الكويت تزورينة علشان الدراعة تاخذ لها أسبوع لين تخلص .وبالنسبة لسؤالج تروحين بالطيارة أو السيارة يعتمد أنتي من وين من السعودية علي العموم في عيد الأضحي الجو حلو بالكويت يعني ما تفرق.
الأماكن الحلوه بالكويت عندج المركز العلمي.مجمع الأفينيو.المارينا مول.سليل الجهرا.الكوت.الفناروسوق المباركية سوق شعبي بس تلقين فية أشياء مو موجوده بأي سوق.حديقة الشعب.سوق شرق. الصاحية. الراية.مجمع زهرة.سوق المعلم سوق شعبي.لولو هايبر ماركت.....الخ بالنسبة لتكاليف يعتمد علي الفندق لأن عندكم سيارتكم فما أضن راح تكلفكم شي وبالتوفيق

اول شي اختي احسن شي بالسياره سفرتكم
اما الدراريع فيكون انت تروحين للمصمم تفصلين احلى بوايد
واكيد 6 ايام تكفي بس نبيج تطولين

تسلمون يالغاليات ماقصرتو
ابغى اسال اجازه عيد الاضحى كم يوم؟؟

البندري . . . . أهلا وسهلا فيك لمعرفة أسعار الغرف بالكويت لك هذا الموقع لمزيد من المعلومات
http://www.kuwiathotels.info

بالنسبه للدراريع هناك مجمع متخصص بالدراريع مجمع الأوقاف ومجمعات العربيد في الفروانيه كذلك هناك مصممات للدراريع لكن اسعارهم خياليه اكثر من 100 د.ك كذلك بيت ديفا وبيت بدره وغيرهم "مقابل مستشفى الأميري"بالنسبه للفنادق الحجز عن طريق مكاتب سفريات وايد ارخص من الحجز المباشر و اظن ستة ايام قليله طبعا بالسياره ارخص تنفعكم لتنقلاتكم و اهلا بكم في بلدكم الثاني

ما شالله الكل وفى وكفى
اما بالنسبه للايام اعتقد انها كافيه
وحياج في الكويت

حياج الله
بالنسبة للاسعار تختلف بالمناسبات خصوصا ان عيد الاضحى بعيد.
6 ايام انشالله انها كافية.
الطيارة اريح لكن السيارة اوفر والقرار راجعلكم.
اهم المجمعات:
الافنيوز
سوق شرق
المارينا مول
المهلب
الكوت
الفنار ( وبجانبه العديد من المجمعات بشارع سالم المبارك)
الصالحية (للماركات)
الراية ( للماركات)
الدراريع تحصلينهم :
بمجمع الاوقاف بالديرة
العربيد بالفروانية
اهم الاماكن اللي تستحق الزيارة:
ابراج الكويت
المركز العلمي
السينمات
المدينة الترفيهية او حديقة الشعب ( العاب للترفيه اذا حابين او معاكم اطفال)
المطاعم:
على امتداد شارع الخليج سلسلة من المطاعم العالمية بالاظافة الى
ميس الغانم
برج لحمام
مغل محل
قيصر

تسلمين يالغاليه ماقصرتي
الملك الله يحييك