رجعنا لحركاتكم بالتطنيش
ياربيه
سطر سطرين تفيدوني ما تاثر عليكم
من جد زعلتوني ....................

ام , ف دبي و الشارجه ماعندي فكره بضبط
بس لو تبين ف بوظبي ولا ف راس الخيمة انا حاضر ,
ف راس الخيمة عندج اكبر منتجع هيلتون ف الشرق الاوسط ع البحر
وعندهم شالهيات حلووه و اسعارهم معقوله تقريبا بحدود 1300 للشاليه - اذا ما غيروا الاسعار -
و عندج ف بوظبي كذا مكان , بس احلى واحد توه يديد فاتح اسمه جزر الصحراء و ها المنتجع موجود بجزيرة لحاله
يعني انت و اهلك و البحر و الطبيعه بس .
و ربي يوفقك

بو ضحى
ربي ييسر امورك ويسعدك على هالمعلومات
طيب كم تبعد دبي عن بو ظبي بالسيارة ؟؟؟؟؟؟؟
وجزر الصحراء من وين اعرف خدماتهم واشوف صور للموقع وكم اسعارهم تقريبا ؟؟؟؟؟؟؟؟
وشاطئ الراحه شنو رايك فيه ؟؟؟؟؟؟؟؟؟
ولو بنحظر امسية لشاعر المليون اشلون ؟؟؟؟؟؟؟؟
غثيتك تحملني ونردها لك بجياتك للسعوديه

ياناس مافي احد منكم يروح شاليهات ؟؟؟؟؟؟؟؟؟؟؟؟؟؟؟؟؟؟
لا تجننوني

عصفورة فوفو
ي طويلة العمر من مطار دبي الين اول بوظبي , سيح شعيب 45 دقيقة
ومن سيح شعيب الين قلب بوظبي بحدود 30 الى 45 دقيقه .
تقريبا بياخذ لج ساعه و شي , ع حسب السرعه , ف دبي فوق 140 يزخ الرادار و ف بوظبي فوق 160
و بنسبة لجزر الصحراء - ما ادري لو المنتدى يسمح احط الرقم ع العام ولا لاء -
المهم لو تبينه بطرشه ع الخاص او اتصلي ع 181 و اطلبي فندق جزر الصحراء و ما راح يقصرون معاج .
و اسعارهم ع ما اذكر بضبط !!
شاطى الراحه حلوو , و نسيته مكانه حلوو و حذالكم مول الراحه و جو حلوو اتبين منه حلبة الفورملا واحد حلبة ياس
و ف ليل الجو روعة , انا ساكن قريب هالمنطقة ^^
و امدحه لج ف توكلي عليه ^^
الامسية يوم الاربعاء , ومن الفندق للمسرح 5 دقايق , و التذاكر من المسرح نفسه و ما يضيع عن الفندق .
لا افا عليج هالواجب ^^
لو تبين اي شي ما يردج الا الكيبورد مالج ^^