بسم الله الرحمن الرحيم بصراحه مثل ما كتبت بالعنوان احلى رحله لاحلى كويت الرائعه وانا قررت اكتب مو تقرير لكن مجمل رحلتى نرد بعض الجميل لمنتدانا الرائع وايضا اقول كلمه حق بحق هذا البلد الجميل الرائع الراقى مهما قلت ما يوفى الكويت حقها واهلها الطيبين جدا جدا واللى لالاسف ما صار لى اختلطت فيهم كثير مع انى اتمنى ذلك لكن بالمرات الجايه رحلتنا بدات يوم الخميس الموافق 15نوفمبر صباحا توجهنا الى الخبر بالبر انطلاقا من الرياض وكان توقيتنا صادف توقيت اجازه الاوبك وتوقعنا الدنيا زحمه بالشرقيه ولكن كنت حاجزه مسبقا والحمد لله كل شى تم بخير وبقينا بالخبر لمده اربع ايام لظروف عمل زوجى ثم توجهنا يوم الاثنين الموافق 19 نوفمبر من الدمام الى الكويت الحبيبه وبدات الرحله ونفسياتنا مرتاحه لزياره هذا البلد الجميل:36_3_12: ومثل العاده اصور فيديو وانسى الصور للمنتدى من جد انا خجلانه منكم كثير لكن يروح الوقت كله بتصوير حمودى بالفيديو باذنالله اعوضكم او تعودوا على تقاريرى الفقيره من الصور المهم كنا بالرحله انا وزوجى الحبيب وابنى الغالى والمربيه وخرجنا من الدمام الساعه 12 ونص تقريبا وكان الطريق الى ابو حدريه وفعلا طريق هادئ لكن فيه كثير تحويلات واصلاحات وشويه حذر ربى وفقنا ووصلنا حدود الرقعى تقريبا الساعه 3 والحمد لله كل شى زين الا موضوع تاشيره المربيه لاننا اخذنا من الرياض تاشيره لعده سفرات وزرنا البحرين ما كان فيه اى مشكله لكن فى جوازات الكويت طلبوا فيزا وما عندنا قالوا تعال للمكتب وطلعها ووقفنا على جنب وراح زوجى بالجواز والاقامه والحمد لله تم كل شى ودخلنا الكويت بالسلامه:36_3_11: واول شى وجدناه مسجد وصلينا وبعدها مشينا على طريق الملك فهد وكانت شوى زحمه حتى وصلنا السالميه وكنت حاجزه بفندق الكورنيش وسالنا عن رويال مارينا لانى سمعت انها معقوله وكبيره المهم لقيناها خلف اسواق المارينا وبصراحه مستواها سيئ جدا جدا بالنسبه لى ابدا ما عجبتنى وكان صاحب الشقق موجود وشاف تعابير :36_1_2:وجهى وصار يتعذر انهم بيجددونها وان فيه ادوار مجدده لكن لا حياه لمن تنادى هجيت وقلت على الفندق طلعنا من الشقق بصراحه موقعها خيال كل المنطقه مطاعم حلوه وقريبه من المارينا لكن ما تناسبنى بالسكن ورحنا للكورنيش كان بالجهه الاخرى اللى مقابل المارينا المبنى صغير لكن مرتفع دخلنا على حجزنا اللى هو سويت غرفتين نوم وصاله ودوره مياه اعزكم الله واحده حاولنا شى اكبر قالوا هذا اكبر شى وزوجى رفض لان الحمام مشترك مع المربيه وحمودى ولكن قلنا اليوم ننام ومن بكره نشوف شى ثانى الجناح مرتب ولكن بصراحه عدم وجود مطبخ او ركن لو بسيط لخدمه النزلاء شى سيء جدا ويكره الناس فيه وبعدين غرف النوم صغيره جدا وكئيبه للغايه والله من دخلنا انا وزوجى والمربيه كلنا ضايقه صدورنا ما ادرى ليش ونحس بجو كئابه :36_1_38::36_1_4:ما كنا ندرى ان هذا كله بتاثير السكن وكن جوعانين كثير طلبنا من الفندق قائمه المطاعم لكن المشكله التليفون مو شغال وطلبوا لنا بيتزا هت وبعد ساعه وصلت وطلبوا حسابهم واحنا ما معنا الا بالريال اعطينا الفندق خمسمائه ريال يصرفونها ويعطون البيتزا حسابهم ورجعوا لنا عشرين وشويه فكه استغربنا منهم لكن الجوع ما خلانا نشوف :36_1_51:ولما خلصنا العشاء اتصل زوجى وتفاهم معهم قالوا ان سعر الصرف عندهم الالف ريال ب ستين دينار قلنا فى اى بنك هذا نصب عينى عينك:36_1_42: المهم ما اخذنا منهم حق ولا باطل وزوجى قال الافضل نسحب فلوس بالصراف وفعلا طلعنا المارينا مول قريب جدا خطوات بس ودخلنا هناك وعجبنا المول مرتب كثير وفيه كا فيهات روعه واحبهم كثير لونترو وبول واللى ما احبه ابد ستار بكس وتقهوينا وحلينا ب لونترو ورحنا السينما اللى فوق وحضرنا فيلم امريكى حلو heart breaker kidورجعنا الفندق ونمنا .........:36_1_50:اخ اش انتظرونى بالحلقه القادمه