ام لمـار
29-11-2022 - 12:56 pm
السلام عليكم
كيفكم ؟ ان شاء الله تمام
فين احسن مطعم ستيك بجدة ؟
ومتى الاوقات اللي تكون فيها المطاعم فاضيه , لانه مرة رحنا انا وزوجي تشيليز وكان زحمة ومكان الانتظار زحممه و رحنا مطعم ثاني نسيت اسمه وكان نفس الشيء زحمة
طبعا الاوقات اللي نطلع فيها بالليل يعني من بعد المغرب او بعد العشى
المطاعم الامريكية متى تسكر بالليل ؟ 1 او 2 ؟
هلا أم لمار ، منورة جدة
الناس أذواق ، وما يعجبني قد لا يعجب الآخرين والعكس صحيح
أنا شخصيا أفضّل مطاعم روبي تيوسداي و فرايديز و ستيك هاوس
لا أنصحك بمطاعم أبل بيز و أونو ، أطباقهم عادية ، والأخير أقل من عادية
تشيليز جيد ، بس أحس أن مستواه تردى عن أول ، وفوق هذا زحمة وانتظار
فدركرز جيد كمان
أفضل أوقات زيارة المطاعم هي ما بعد صلاة العشاء حتى الساعة 10:00 مساء
تغلق مطاعم جدة عادة على الساعة 1.00 بعد منتصف الليل
وقد تمتد بعضها مساء الأربعاء والخميس إلى الساعة 2:00
أما بعض مطاعم الوجبات السريعة مثل ماكدونالدز ، فتعمل حتى آذان الفجر