- الوجه المظلم لتايلند! -مهم-
الوجه المظلم لتايلند! -مهم-
السلام عليكمالموضوع هذا ترددت في كتابته اكثر من مره لكن ولحرصي عليكم والله ومحبتي لكم وخوفي ايضا اكتب لكم اليوم عن الوجه المظلم لتايلند الي مافيه احد يتكلم عنه!
ولعلكم تلاحظون احنا هنا في أغلب المنتديات العربية مانتكلم ابد عن الجانب السلبي الكبير للسياحة في تايلند والخطر الي تشكله ويمكن تهدد حياة السائح بعكس المنتديات الاجنبية الي دائما مايوضحون الاخطار والسلبيات بكل شفافية بعكسنا تقريبا وهذه من السلبيات اللي لازم نتجاوزه عندنا!
السائح الي مازار تايلند وجاي يبحث هنا في المنتدى يظن أن تايلند شيء يشبه الجنة فقط من تقارير الاعضاء وردودهم لان الجميع يتحدثون عن الوجه الجميل لتايلند بينما تايلند مثل ماهي جنة فهي ايضاً لها وجه ثاني سيءأقصد فيه جانب (المخدرات والجريمة والامراض المميتة)
النقطة الأولى : الجريمة منتشرة جداً والاخوان اصحاب الخبرة في تايلند وفي بتايا بالخصوص يعرف ان فيه شيء عندهم اسمه ((المافيا)) وهذا عصابة تستهدف السايح في الوقت والمكان السيء والبعيد عن عيون الشرطة السياحية والواحد ينتبه على نفسه يبتعد دائما عن السكن في المناطق البعيدة عن مركز تجميع السياح أو عن السكن في اللويات والدواعيس ويبتعد عن السكن في الفنادق الرخيصة الي البعض منا اول مايفكر في السفر يفكر في ارخص فندق يسكن فيها واغلب هذه الفنادق يكونون الرسيبشن والسيكورتيه فيها اشبه بالعصابة!! وكلنا تقريباً نعرف كيف يتعاملون هذولي معنا وانا ماعرف وش الي حاد البعض على السكن في هذه الفنادق؟
ولو الواحد يدقق في الموضوع يلقى أن فرق السعر بين الفنادق الرخيصة والفنادق النظيفة المحترمة مايتعدى 30 دولار يومياً!!
يعني بكل ايام السفرة يطلع مبلغ بسيط ولا هو خسارة ابداً عشان تستخسر على نفسك انك تنام وتجلس في مكان نظيف وآمن ويحترمك ولايهينك
النقطة الثانية : وهي الامراض ومادراك مالامراض هل تعلمون حسب مواقع الصحة العالمية الالكترونية أن نسبة مرض الايدز فقط في تايلند هي 2 وفي تقارير ثانية تقول 1.4 لكن خلونا ناخذ النسبة الاقل 1.4 هل احد فيكم يعلم انه اذا كان عدد الشعب 65 مليون ف نسبة المصابين بالمرض هي 910 الاف يعني مليون تقريباً المليون هذولي ظنكم وين مكانهم في تايلند في القرى والمناطق النائية أو في مناطق السياح وبتايا وبوكت على وجه الخصوص؟ وكم ظنكم بتكون نسبة المرض في بتايا مثلاً؟ اترك لكم التفكير.....
طبعاً هذا عن الإيدز ولا ذكرت لكم الهربس ولا الوباء الكبدي الي ماينفع معهم حتى لو كنت ######! الموضوع والله العظيم خطير ياشباب فالحذر ثم الحذر ثم الحذر يكفي بس تشوف وجيه البنات الودره االي يتجمعن اخر الليل في البارات العربية في تايتنك وليلى وطقتهم الي لو تقول لك بعطيك 10 الالاف بات واروح معك بتقول لا
تجيك البنت وهي مستويه معها خربانه خربانه فقر وجوع ولا سكن زي الناس وصغر سن وحياة خايسة ولاهمها وش يصير لها بعدين بالعكس تشوف انها لو تموت وهي في شبابها اصرف من انها تموت وهي عجوز فقرانه لذلك تشوف الوحده فيهن عايشه متعة يومها وفداغه في فداغه والثقافة الصحية صفر!
لذلك مهما كان ومهما حدث وإذا غرك شيطانك لازم تستعمل كل اساليب الوقاية من هالامراض وهالبلاوي وترى حياتك أثمن من لحظة متعة أو لحظة مغامرة
وتذكر إذا كانت لديك أسرة في زوجتك واطفالك وإذا كنت عزابي في حياتك في المستقبل الواحد رغم اي شي مايبغى تنتهي حياته زي الشيبان العرب والاجانب الي يتسدحون في قريس بانكوك وفي بتايا
وسلامتكم ياشباب والله يعلم أن هذا الموضوع ماهو موضوع وعظي اكثر من انه نصيحة من القلب للقلب
بالعكس يمكن أنا أكون أكثر منكم تقصير وأخطاء لكن الله يغفر ويتوب علينا لكن بحق كل هذه الأشياء الي تجمعني بكم الدين والدم الواحد واللغة والمصير المشترك < أني أنصحكم لله في لله
