سرالوجود
16-05-2022 - 03:49 am
اهلين حبايبي..كل عام وانتوا بخير وصحه وعافيه.
بقول لكم ابي احد يسوي لي رحله بحكم خبرتكم في السفر لسويسرا مع العلم ان ليس لدي خلفيه ع الاطلاق وبقول لكم كل النقاط الي من خلالها تعرفون وش ابي.
1- استخراج الفيزا او الشنجل او التاشيره وكم يبي لها وقت وكيف طريقتها وماهي الاوراق المطلوبه.
2- الحجز (طيران_فنادق-سياره)
3-طريقة الدفع بسويسرا اصرف فلوس من هنا واذا صرفتها وين احطها
4-كيف التعامل هناك معهم واللغه وطريق التنقل كيف اعرف
5-ابي اعرف الاسعار اجماليا من تاشيره-تذاكر_سكن_سياره -الاكل والشرب_التسوق
6-الوقت الحين يكفي اسافر اول يوم في العيد يعني بتنتهي الاجراءات بدري
7-وقت السفر اول يوم العيد الفطر طبعا احسبوها بالتاريخ_المده 10ايام-انا وزوجي فقط
8- ابي تحطون لي المدن التي يفضل زيارتها ومافيها من معالم المفروض اروحه ووين اسكن ز
9- هل افضل احز الفنادق قبل والسياره قبل السفر والا اذا وصلت بس عشان الوقت.
اتمنى من الكل يفزع ويفيدني بالتفصيل الممل ل9الفقرات الي طلب ...انا مااعرف شي ع الاطلاق..وتراني بزعجكم بكثرة استفساراتي..
وعليكم السلام ورحمة الله وبركاته
بالنسبة للمدة ممتازه لرحلة قصيرة تتجولون لاهم مناطق سويسرا .
اولا بالنسبة للشنغن الفيزا بالنسبة لنا بالكويت يطلبون صورة خلفية بيضا ، وحجز سكن وطيران ، وتعبأة الاستماة ،وتامين السفر اخذوا العائلي ، واظن انهم اطلبوا شهادة راتب مو متأكد ، بالاضافة الى قيمة الفيزا ، والفترة ما تطلول اقصاها اسبوع.ثانيا : السكن في سويسرا يختلف والاغلب يعتبر متوسط السعر ، وانصح السكن في الريف السويسري لجماله والسكن ارخص ، خصوصا الشقق.
ثالثا : الخطة المقترحة جنيف ليلة - بعدها لكم الخيار بين الثلاث ليزن او كرانز مونتانا او فيلارز وهم عبارة عن قرى جبلية جملية وتتميز بالموقع وتوفر السكن باسعار مناسبة ( ثلاث ليالي) ، انترلاكن (ثلاث ليالي) ، ديفون ( ليلتين) ، وهالسنة ديفون جوها بديع المجموع 9 ليالي 10 ايام. وانا من عشاق الارياف و لا اجد متعة في المدن الا للتسوق.
رابعا : وسيلة النقل انصح وبشدة انكم تأجرون سيارة من احدى الشركات العالمية واخذوها من مطار جنيف القسم الفرنسي ارخص.
خامسا : الاماكن السياحية كثيرة لما تقرؤون التقارير مكفيه وموفيه واكثرها تشتمل عالاحداثيات ، ولا تنسون تاخذون معاكم القارمن علشان يدليكم الطريق.
سادسا : اجمالي الاسعار انا ما اقدر احط تكلفه اكيده لان اسعار السكن والسيارات وتذاكر الطيران مختلفه انتوا افضل من يحدد على حسب الميزانية ، بس انا اعطي تقريبي، الفيزا للفرد اظن 35 د. ك.
والسكن من 40 دينار الى 50 لليلية ويمكن تحصلون ارخص واغلا على خسب اختياركم.
السيارة يوميتها من 18 د.ك الى 20
والتذاكر ما ادري كم وصلت
والاكل والرحلات والتسوق انتوا تقدرون تضبطونها.
وبالنسبة للتعامل يتكلمون الانجليزي وموشرط تكونون بلبل فيه عالاقل الكلمات الاساسية
وانصحكم ان تحجزون سفرتكم كاملة قبل السفرالسكن والفنادق والسيارة والامر سهله عن طريق الانترنت على سبيل المثال موقع Booking.Com اسعاره معقوله وثقة ان شاء الله واستخدامه سهل.
والله يوفقكن لرحلة سعيدة