اخوي انا رايح يوم الثلاثاء ليلة الاربعاء الفجر
طاير على القطرية الديرة اخذ كاش معااك والبطاقات خلهم بديره
او اخذ بطاقه يديده من البنك وحط فيها مبلغ بسيط
وراح تستانس كل شي سعل والمستشفي قريب منه كل شي
ولا تحاتي الناس اهناك مو يمك
وبنسبا للخدمات راح تلقا الخليجيين جدامك

تسلم ياولد الكويت ياولد جابر الخير
كلامك مقنع ويشجع الواحد كنت خايف ومتردد
اشكرك اخوك الصغير : راشد

لا تشكرني ياخوك كلنا اخوان وهل ديره مابعدها يره ياخليخنا
علجك لك او لغيرك

https://artravelers.com/p/re/364242
راح تلقا خرايط راح تنفعك خوش خرايط

اتمني اقرا كلام باقي الاعظاء

1. المطاعم العربيه والاسلاميه بكثره بتلقاها في شارع العرب نانا ستريت

هلا باعيال ديرتي وهلي وعزوتي
اخوي روح وانت مطمئن وراح تلقى الخليجيين يسرحون ويمرحون هناك وانت مطمن ومرتاح

المطاعم العربيه والاسلاميه بكثره بتلقاها في شارع العرب نانا ستريت

وبالنسبة للفلوس انا انصحك تصرف دولار يعني اخذ معاك 100 دولار بات يعني 30 كويتي حولها بات والباقي كلهم دولار واخذ الفيزا احتياط انت ماتدري شنو بيصير هناك او تخلي الاهل ربي يخليهم لك يحولون لك فلوس ان احتجت عن طريق ويستر يونيون
ولا تحاتي بتقعد بمطعم المصري او النفرتيتي وشيشة عنب فاخر ولعه وشاي كشري بالنعناع اقعد والله على كيفك من قدك وتلفزيون شاشه بلازما معلقه ومن محطه لي محطه يعني مابيفوتك شي
والله انك بتحس عايش بين اهلك وناسك يا اخوي وان كنت محتاج سؤال ولا شي اسأل اي خليجي وماراح يقصر
تراهم بالشوفه
وربي يسهل دربك ومعافى مريضكم ان شاءلله
وحول الدولار هناك كل ما احتجت يعني مو من توصل تحولهم مره وحده لانه مرة يصعد الدولار ومرة ينزلوشوف الصرف عند بوداود صرفه حلو
واخذلك بعد الفحوصات ومشاوير المستشفى احجز لك رحلات ترفيه عن النفس
وشكرا
الله اكل شاورما وفي بجنبه على ما اعتقد مطعم لبناني كبير وطباخينه عراقيين عليهم خوش طبخ وقعدتهم حجلوه
والله شكلي بي معاكم قهرتني ليش قتلي انك مسافر عن قريب امس دخلت وشفت على الخليج 113 بس ماعندي اروح ربي يرزقني واروح لاني احتاج همجة فلوس حق السوق
ميسرين يارب
دعواتنى بالتوفيق لكم
اختك الصغيره
ليمونة الكويتية

يسلموو خيتي ليموونه على النصيح لخونا الف شكر
اخيتي انا رايح عشان اسوي اسناني تدري بعد ماخلص من العياده مادري وين اروح لنه موعدي عند الكتور مخليه بعد الخمس العصر وبعد ماطلع من عنده وين تنصحيني اروح لانه صارلي 11 سنه مادري عن الديره بس اسمع من الربع وبي تمشي ومالي خلق على الاماكن الخايسه الكل قال انحش عنها وانتا بخير ابي ويزاج الله الف خير

ولد_الكويت
هلا والله ياخوي انا لو بمكانك انا على حسب اسناني اذا في ألم شلون وين بتروح واسنانك تعورك اكيد بتقعد بالفندق تعابل بنفسك وتعالج الالم واخذ المسكنات
واذا معافى ان شاءلله ومافي عوار لحق عند اي مكتب حجوزات واطلعلك رحله بحريه عشاء على باخره بس هذي تنفع حق الرومانسيه بس انت لاحول ولاقوة ميخالف بعد ماتحرم نفسك عشان بروحك روح وفرفش
وان شاءلله بتلقى خوي هناك وتسولف معاه وان مالقيت سولف مع البحر لحالك بس مو بصوت عالي عشان لايقولون شي عنك الناس
او تفتر في ام بي كي وطوكيو بعدها تتعشى وتحجز سينما الله ذكرتني بالسينما اللي في المجمع
ماخليت فلم الا ودخلته
ماخليت مطعم مادخلت وشفت الحلال واللي يناسبني وكليت ماخليت محل ماشريت منه
ماخليت شارع وبسطه ومافريت حوالينه
ربي يسر امرك ان شاءله
كلش كلش روح ريح في الفندق بعدها روح شارع العرب شارع الزحمة والازعاج واطلب عشى واقعد شوف التلفزيون عاد يبيلك بريد عشان اسنانك بعد طلعتك من الدكتور
موفق وميسر برحلتك بتسوي تجميل حق اسنانك شكلهم مكسرين ومسوسين حدهم الله يعين الدكتور والله زيده فلوس عشان بيعالجك