السلام عايكم ورحمة والله وبركاته
ان شاء الله طالع اوربا هذي السنة وقصيت التذاكر من بدري عشان الحق التخفيض حيث اني حجزت على الخطوط السعودية انا والمدام وطفلي (واحد اربع سنوات والبنت سنة و10 شهور) في 23 مايو من جدة الى باريس والعودة في 15 جون من لندن الى جدة كلفتني التذكرة للبالغ 2300 ريال سعودي على (V classs) (التذاتكر غير مسترجعة و غير قابلة للتعديل)
ان شاء الله ناوي اجلس بباريس 3 ايام وازور ديزني عشان الاطفال (سبق زرت باريس والنمسا 2007) ومن بعدها بطلع على سويسرا واتمشى في الريف السويسري وآخر خمس ايام بقضيها في لندن عشان العودة من هناك
بصراحة ودي مساعدتكم في توزيع ترتيب المدن السويسرية وعدد الليالي المناسبة لكل منها واقرب مدينة اروح فيها بالطيران الاقتصادي الى لندن وايش هي افضل شركة للسفر مع العلم ان عدد الليالي المتبقية بيكون 12 ليلة
ويا ريت تفيدوني باي اسم شركة القطار الناقل بين المدن السويسرية وايش افضل اقص التذاكر من بدري ولا من نفس محطة القطار؟؟
آسف على الاطالة ،،،،جزاكم الله خير
بانتظار اجابتكم