هلا وعليكم السلام
شوفي اختي انا صراحة بعد من عشاق ايطاليا وسافرت لها 2 لكن مع دول اوربيه ثانيه
ايطاليا تجمع بيت التااريخ والطبيعه وكل شيء
وانصحك جدا في ,كومو, نفس طبيعه سويسرا وتبعد عن لوقانو السويسريه ربع ساعه فقط
فانا انصحك بشده عليها بس يعيبهاا الحراره والحراره بس موجوه في روما اكثر شيء وهي تصلح للعوائل يوجد كثير من العوائل الخليجيه هناك والمدن اللي انصح فيها روما وفنسييا وكومو ووبرج بيزا هو جميل بس المدينه يوجد فيها الكثير من السرقاات انا عن نفسي مرتتين ترضت للسرقه من المغاربه اللي يتواجدون يكثره هناك بس المره الثانيه خفت مارحت للمدينه
واي سوال انا حاضره
وبالتوفيق اختك ام سلمان ...,

اهلا بعضوتنا الجديده ......
ايطاليا تنفع عوائل و معاريس وعزابيه وجميع الفئات ......
0الف تكفيكم ان شاء الله وممكن معكم النمسا وسويسرا بس انت ماعطيتينا كم يوم عندكم حتى نشوف الجدول المناسب ........؟؟؟؟؟؟؟؟؟؟؟؟؟؟؟؟؟

ام سلمان و اطليانو اشكركم على ردوودكم كثير وحمستوني بزياده معليش تحملو اسئلتي بليز
1)اول شي اختي ام سلمان شكرا انك وضحتي سالفة السرقات صدق اني تحطمت لان المعلومه هاذي لو اقولها للوالد راح يتكنسل كل شيي >_< بس طبعا انا ماراح اقول وبيني وبينكم علموني بالاماكن اللي تكثر فيها سرقات وانا راح اجنبهم اياها
وسؤالي لك ابي اعرف لو بنروح من كومو مثلا لسويسرا كم يكلفنا وانا اعرف انو سويسرا شمال ايطاليا والشمال بارد فاستغربت انك تقولين حاره يمكن فهمت غلط ممكن توضحين
2) وثاني سؤال لك بعد بليز >> كومو بعيده عن روما او ميلان كثير؟ يعني لازم نغير السكن ؟ والا عادي لو نروحها يوم ونرجع
3) اخوي اطليانو اقصى مدة ممكن نقعدها 3اسابيع بس اذا المبلغ مو كافي نقدر نخلي مرورنا سريع وتكفينا اسبوعين ماادري انتو ابخص وش المده المناسبه للمبلغ اللي معانا
4) واخر سؤال صحيح انو اسعار التاكسي بايطاليا غاليه؟ واذا تقدرون بحدود كم اكون شاكره
وشكرا شكرا شكرا لكم

rzan.m.b
هلا فيك مره ثانيه
السؤال الاول مافيه تقريبا سرقات كثيره بس المكان اللي ذكرته سابقا
2 ماتلكف كثير شيء رخييص جدا .. انا قصدي روما اللي فيها حراره ولا كومو وفنيس جوهم رائع
3 كومو بعيده عن روما بس عن ميلانو تقريبا ربع ساعه بالقطار
4 اذكر انا لما وصلنا لروما اخذنا اول تاكسي قبالنا والفندق كاان بعيد من المطار واخذ مننا حوالي 70 يورو بس الاماكن القريبه افضل تروحون بالباصات اللي موجوده
واي سؤال انا حاضره

هلا اختي انا باجاوب على الشئء اللي اعرفه يعني مو على كل الاسئلة لان في ناس ابخص
روما مدينة فيها كل شئ تقريبا
تاريخ بالذات .. تسوق .. طبيعة وتكفي 3 ايام وحتى 4 عشان تمرون على كل معالمها
وانصحك بالباص السياحي 110 الاحمر بدل التكاسي
5يورو الشخص ويمر على اغلب المعالم السياحية فروما ويوقف عندها وتنزلون .. ووقت ماتخلصو تركبو الباص مرة ثانية ويوديكم معلم ثاني وهكذا .. ومدة التذكرة حقت لباص 24 ساعة كاملة
واسكنو قريب من شارع فينيتو وماراح تحتاجون تكسي ابدا .. تلفو برجلكم كل الاماكن الحلوة تقريبا الا لو كان معكم كبار في السن
بالنسبة لفينيسيا .. ماتحتاج تاكسي ابدا لانها متعتها الحقيقية في المشي بالاقدام وهي صغيرة اصلا
بس اركبو الباص المائي اول ما توصلو محطة القطار اللي في فينيس .. واسكنو بالقرب من جسر ريالتو
واذا تبو توصلو جهة الجسار خذو الباص المائي من محطة الباص المائي فيروفيا .. يوصلكم مباشرة على محطة ريالتو
وبكذا توفروا اسعار التنقلات فروما وفينيس باختياركم المكان المناسب فالسكن
على فكرة سعر تذكرة الباص المائي 6,5 يورو للشخص .. ولازم لما تشتريها تفعليها من جهاز تفعيل التذكرة تلاقيه جمب شباك التذاكر .. يعني الامر بسيط ان شالله
وربي يوفقكم فرحلتكم وتنبسطوا

يعطيج العافيه
وريه صور طبيعه في ايطاليه وبيستانس

1)اول شي اختي ام سلمان شكرا انك وضحتي سالفة السرقات صدق اني تحطمت لان المعلومه هاذي لو اقولها للوالد راح يتكنسل كل شيي >_< بس طبعا انا ماراح اقول وبيني وبينكم علموني بالاماكن اللي تكثر فيها سرقات وانا راح اجنبهم اياها
شوفي وانا اخوك السرقات حسب .....لاتزعل منى ام سلمان انا رحت بيزا واماكن اخطر وعادي جدا بيزا زرتها 5 مرات ولم اتعرض لسرقه او مضايقات من احد بس بعض الاخوات البعض تكشخ اخل كشخه سواء ساعات او شنط او ذهب اكيد الذئاب بتتجمع على الفريسه البسي عادي والشنطه دائما انصح بالجانبيه مدري شسمها ولفيها قدام شوي الصراحه سمعت الكثير يسب ويتكلم عن السرقات والاخوات الله يهديهم حاطه الشنطه بيدها مو على الكتف واي واحد طبيعي بيسرقها حتى بكل العالم ......مع اعتذاري للاخت ام سليمان السرقات في كل مكان بس الوحد ينتبه ولاياخذ مبالغ كبيره ولاتاخي الجواز ولاتكلمين اي واحد غريب حتى لو عربي قالك مضيع او اي شي اتركيه وامشي ولاتنسي قبل كل شي دعاء الخروج والله بيحفظكم من كل شر ......
وسؤالي لك ابي اعرف لو بنروح من كومو مثلا لسويسرا كم يكلفنا وانا اعرف انو سويسرا شمال ايطاليا والشمال بارد فاستغربت انك تقولين حاره يمكن فهمت غلط ممكن توضحين
كومو تبع ايطاليا وتبعد ساعه عن ميلان تقدرين تروحين لها بالقطار ايه حاره بالصيف يعني 30 -32 درجه ميئويه في اخر شهر 7 -8-9 .....بالعكس الهواء يلطف الجو بس لاتطلعين الظهر اذا رايحين بشهر 7-8 حلاتها الساعه 3 العصر وبعدها ...
2) وثاني سؤال لك بعد بليز >> كومو بعيده عن روما او ميلان كثير؟ يعني لازم نغير السكن ؟ والا عادي لو نروحها يوم ونرجع
من ميلان اقرب ساعه ........تقدرين تروحين الصبح وتردين المساء الساعه 7-8 المساء...
3) اخوي اطليانو اقصى مدة ممكن نقعدها 3اسابيع بس اذا المبلغ مو كافي نقدر نخلي مرورنا سريع وتكفينا اسبوعين ماادري انتو ابخص وش المده المناسبه للمبلغ اللي معانا
تكفي ان شاء الله اسبوعين وممكن اكثر على حسب صرفيتكم ......من اكل ومطاعم وتمشي ,...
مثلا
روما 3 ليالي
فلورنس 3 ليالي
ريتشيوني لياتين
جاردا 3 ليالي
انسبروك النمسا ليلتين
زيورخ ليلتين
انتر لاكن 3 ليالي
ميلان 3 ليالي
اسعار الفنادق خوذو اقصى شي 200 يورو لاتزيدون .....3-4 نجوم
التنقل الاوفر تستاجرو سياره اكثر متعه وافر من القطارات ............
4) واخر سؤال صحيح انو اسعار التاكسي بايطاليا غاليه؟ واذا تقدرون بحدود كم اكون شاكره
وشكرا شكرا شكرا لكم
ايه غاليه على حسب المسافه مثلا طريق 10 دقايق ياخذ 20 - 25 يورو.....استاجرو سياره ........