وعليكم السلام ورحمة الله وبركاته
كم ميزانية سفرك ؟ وكم وحد انتوا ؟ واذا كنتوا عائلة او لا ؟
ومتى بتسافر ؟ وغرضك من السفر ؟

1. والذهاب الى بانكوك

عاشق التصميم
سوفو اعطيك جدول وانشالله تاخذ عليه
المده عشر ايام
= التقسيم كتالي 4 ايام بوكيت 2 يومين شانق ماي 2 يومين بتايا يومين بانكوك
الوصول الى مطار بانكوك الدولي حجز الى بوكيت ذهاب و ايايب بقيم 2500 بات تزيد او تنقص
السكن بحدا الفنادق لو تحجز من مطار بانكوك يكون احسن عشان ماتتعنى وافضل تسكن من الباتونج بيتش
اولى يوم اذا امداك تحجز على الفنتازيا شو عرض جدا جميل
ثاني يوم الذهاب الى جزيره فيفي
ثالث يوم الذهاب الى جيمس بوند
الرابع تفتر الين ماتجي طيارتك للذهاب الى بانكوك
الوصول الى بانكوك وحجز على شانق ماي
اولى يوم استكشاف المنطقه والنايت بازار
ثاني يوم احد الرحلات الى الشلالات او مرتفعات شنج ماي

والذهاب الى بانكوك

الذهاب من بانكوك بالسياره الى بتايا والراحه والاسترخاء طبعن ماتبي رحلات ولا شي بس تستانس على جو بتايا
ويومين وتروح بانكوك تتسوق وترد :>>> طبعن كل منطقه ولها رحلاتها بس انت تبي تروح كل تايلند ب عشر ايام وقت قليل بس هذا الي اقدر عليه اذا بتشوف تايلند بعينها :>>> لو تمدد المده 5 ايام زياده راح تصير حلوه يعني تزيد يوم الى بوكيت و يوم الى شانق ماي و ثلاث ايام الى بتايا :> راح تصير رحلتك كامله انشالله والكامل الله :>>> وتقبل زيارتي
شوف الرحله لشخص واحد واذا كنتو شخصين يعني رجل وامراءه كنسل بتايا ومدد ب يوم ببوكيت و يوم ب شانق ماي :>>>والتكلفه راح نقول السكن بجميع المناطق 2000 بات 2000 × 10 = 20000 الف بات 160 دينار 2200 ريال
المصروف - 3500 بات 3500 × 10 = 35000 بات = 280 دينار - 4000 ريال
الطيران الداخلي 8000 بات للشخص - بانكوك بوكيت بانكوك == بانكوك شانق ماي بانكوك
0دينار كويتي - 900 ريال
المجموع 7100 ريال 410 دينار كويتي
اذا كنتو شخصين راح تزيد المصروف نسبه قليل اذا كانت مو حق تسوق اذا حق تسوق ادبلها :>> وراح تزيد الطيران بس السكن يمكن يزيد ميتين او ينقص ميتين :>> وتقبل مروري

N.3.m
شاكر لك اخوي ..
ولكن الميزانية لدي 300 دينار من غير التذكرة طبعاً
هل تكفي ان حصرت نفسي ؟
كثير ما اسمع الاعضاء يتحدثون الباتونغ بيتش ولا اعرف ماهو .. اتمنى توضيح
0قريب من ميزانيتي 300 دك
هل تعتقد 300 دك تكفي ؟
لدي بعض الاستفسارات في بوكيت

• كم تكلفة رحلة جزيرة جيمس بوند وماهي برنامجها .
• كم تكلفة رحلة جزيرة بي بي وماهي برنامجها .
• اي من البرامج ركوب الفيلة ؟ وهل الركوب من ضمن التكلفة ؟
• كم تكلفة الرماية واي جزيرة ؟ وكم عدد الطلقات ؟
• كم تكلفة ركوب الباراشوت .
• كم تكلفة ركوب الجيتسكي .

اكتفي بهذا القدر

هلا اخوي الصراحه 300 دينار قليل جدا
واذا ظروفك ما تسمح باكثر من المبلغ
انصحك تقضي 10 ايام في بتايا
لانه بوكيت تضطر لطيران داخلي يكلفك بحدود 30 دينار واسعار رحلاتهم بحدود 10 دنانير
الحل بتايا تعتبر ارخص مناطق تايلند وتذهب لها بتاكسي بحدود 1500 يات من مطار بانكوك مدة الرحله ساعتين
0دينار= 37 الف بات
تذهب لفندق مون لايت سعر الغرفه 690 بات نظيف ورخيص
0ايام = 6900
يتبقى 30 الف لكل يوم 3000 بات

طيب ابو ديما ،، اذا خليتهم 400 تمشي اموري ؟

شوف اخوي اذا ماقدرت تدبرها لم 400 ولا 350 دينار يبا توكل على الله وسافرو الفلوس والله انك راح اتعيش ولا تشيل هم شي
هناك في ارخيص من السكن والاكل ولا تشتري شي الا قبل الرده بيوم اذا كان عندك زايد فلوس
شوف في بوكت في فيلا السكن 650 بات وفي 700 بات وشي انضيف بصراحه
واكلك خله خفيف يا اخوي من كارفوور اشتر توست الحلال مكتوب عليه واشوية طماط وخس واذا في خيار بعد ومن ديرتك اخذ لك انواع الجبن اللي تحبه او عسل وقيمر وكوب ماء حار وشاي او قهوة او نسكافيه هذا يكون فطورك
وفي بكارفوور جبن بس غالي اشوي بصراحه اللي اخذه معاي يخلص بسرعه واضطر اشتري من كارفور ولذيذ
وفي الظهر الغداء يا انك تاكل من كنتاكي او برغر كنج او مطعم دبي او القاهره او من كارفوور داخل في ربيان وسمك تختار اللي تبيه وتخليه يطبخه لك مع اشوية ليمون تشتري وكم نوع من البيبسي وعليك بالعافيه اخذه للفندق او الفيلا واكل وبعدها شور تسبوحه ونومه او طلعه فراره واو وناسه ذكرتني في بوكت وبليل نفس الشي او تاخذلك وجبه من القاهره او من المطاعم السريعه وعليك بالعافيه وفي بانكوك الاكل ببلاش وماتحاتي وفي بتايا يارخصها ماعليك سافر وتوكل على الله التذاكر الداخليه للطيران خل في بالك 100 دولار الروحه والرده والاماكن السياحيه على حسب روح واخذلك فره على الكشتات عندك جيمس بوند انا اخذتها على 1100 بات
وفنتازيا بعد 1100
ودريم فيبانكوك0 80 بات
يعني خلي في بالك 100 دينار حق الرحلات والباقي خله مشترى اللي بخاطرك
السكن والاكل 150 دينار
والباقي خله احتياط حق اي شي ينقصك روح وتوكل على الله ولا يصير بخاطرك شي
يارخص الجيتسكي على ما اعتقد100 بات او 150 بات مو اكثر يعني 1500 دينار وحتى البارشوت بعد ارخيص
الرمايه على ما اعتقد على حسب المسدس والطلقات بعد يعني انا رحت 650 واكثر دفعت بس وناسه والله

ليمونة حزينة
الف شكر لج اختي ليمونة ..
فعلاً مرورج عطاني حماس اكثر
ومشكورة على المعلومات القيمة الي عطيتيني ايها
شاكر لج مرة ثانية
دمتي بحفظ الرحمن

ماسويت شي وعفوا بس هذا كله من تجربه هناك ولالالالالالالالالالالالالالا تحاتي شي وجهز الملابس والجناط وتوكل على الله وروح الجمعيه واشتر كم كيس توست لاول الايام وشاي ونسكافيه وسكر وانواع مختلفه للجبن والشوربه السريعه وروح الغانم واشتر غلايه الماء الصغيره مسوين عرض على 5 دنانير للسفر راح تنفعك وايد
وجبن توست جبن ابيض زيتون اذا تحبه لبنه وقيمر يعني اكل اليوق بالكويتي اللي تحبه والشوربه السريعه عشان اذا حاشك اليوع بليل او عيزان تطلع الظهر وتسويلك وانت بالغرفه