سالزبورغ فيها التلفريك وحديقه الحيوان وقصر الهلبرون كلها ع خط واحد
يروح لها باص رقم25 اركبه ووقف في اخر محطه الي هي التفريك يعني من الأبعد للاقرب
هالمخطط خل له يوم واحد عشان توفر عليك من ناحيه استخدام بطاقه سالزبورغ تشتريها من رسبشن الفندق تسمح لك
بدخول كل هالاماكن مجانا واستخدام مجاني للباصات أيضاً
اليوم الثاني خله بزياره المدينه القديمه وزياره حديقه الميرابيل والقلعه وتتمشي بسنتر المدينه
اليوم الثالث يكون لزياره البحيرات الثلاث وولف قانق وسانت جليجن وفوشل ام سي طبعا هي بحيرات متشاابهه مافيها جديد انا أنصحك بزياره واحده منهم اجلس فيها وتغدا وأنصحك بحيره فوشل فيها مطعم يخق عالبحيره تلاقيه
اما زيلامسي
فيها قمه كابرون والزحليقه الصيفيه بسالفدين وشلالات كريمل
عالم سوارفسكي ومصنع الجبن والسنتر مره حلو التمشي فيه وركوب القارب وهالاشيا
اي استفسار انا جاهزه

ماقصرتي اختي بيض الله وجهك وجعل والديك للجنة لكن في كم سؤال يقرقع في صدري
التلفريك والاماكن الي على خط واحد خلصنا منها وعرفنا كيف نروح لها بباص 25 من الابعد للأقرب وجزاك الله خير
لكن بالنسبة للمدينة القديمة والميرابيل والقلعة .. هذي الاماكن اي باص اركب على شان اروح ؟؟
وكذلك البحيرات .. اي باص اركب
معليش الله يخليك تحمليني شوي تراني غشيم واول مرة اروح
وكمان ابي اعرف اذا فيه ثلج .. ابي مكان فيه ثلج سواء في سالزبورغ او زيلامسي وابي اعرف كيف اروح له
جزاك الله خير وانتظر ردك على احر من الجمر