يوم الاربعاء 7/7الماضي طلعنا على القطرية من الرياض ومن طلعت وانا قلق من الحقائب محملين معنا كل الاغذية المتعودين عليها وعندنا شباب يدرسون في امريكا موصينا علي تمر وشايلك ثلاث كراتين تمر و10 ك رز ومعنا ست حقائب وزن كل وحدة 23 كجم تقربيا والتمر موزع على الحقائب وشحنت من الرياض وصلنا الدوحة وسكنونناحقين الترانزيت في ريتاج للشقق الفندقيه وعطونا اربع غرف نمنا في ثلاث منها لواني في الرياض اجرت الرابعه من الغرف لان القطرية تقلع لنيويرك اليوم التالى والتوصيل على حساب الفندق تاكسي خاص يقولون اسرع من الباص والعشاءبوفيه مفتوح يحبه قلبك المهم الصباح الخميس الساعة 6 جاء الباص وعلى المطار تفتيش رحلات امريكا داخل المطاروبدء الأستغراب المدام والبنت الله يستر عليهم معهم عطر وجل اليدين وبعض الزينة وكنت اقول لهم تراه بيصادر عليكم قالو مايهم وتمر حقائبهم مرور الكرام وتقلع الطائرة في الوقت فعلا الخطوط القطرية في الصداره من حيث دقة المواعيدو الخدمه ورقي المعامله والسخاء في كل شئ وصلنا نيويورك الساعه 3 عصراً معبين الفورمات واستلمنا الحقائب وعربيه بخمسة دولار وعلي الجوازات فيه في الصاله ثلاث طوابير الاول للامريكان والثاني للقرين كارد والمقيمين والثالث حقين الفيزا مثلنا وقفنا مع الثالث عشر داقائق ختمنا وقالواللجمارك جينا وقابلنا واحد وقال في الحقائب لحم قلت لا هذي عائلتك قلت نعم قال انت سعودي اصلي قلت نعم قال ويلكم نيويورك واشر على البوابه الحقائب حول راسي من طولها وهويكلمني اجراءت تغيرت 360 درجه ونا طالع اقول لقطري جنبي وين اللي يرصونهم ويسئلونهم قال لي ماشفت احد الاجراءت اللى مريت فيها مثلك فعلا تغيرو الامريكان لكن هل يستمر هذا التغير والمرونه ان شاء الله يستمر وتحياتي للجميع