1. المهم انا شفت بيت اشوف وراء نزله قررت اروح اشوف وش اللى ورا هالبيت

السلام عليكم
حبيت احذر كل من اراد السفر الى جنيف سواء اول مره او حتى اذا كان رايح لها كم مره
كنا نتمشي حول بحيرة جنيف و قطعنا مسافات ما حسينا من الوناسه و الناس اللى حولنا اشكال و انواع و الملاهى اللى تطل على البحيرة
ما لكم بالطويله
جاء واحد و مسك زوجي و بدء يسوي حركات برجله على رجل زوجي و انا طبعا قعدت اناظر رجلينهن
علطول حس زوجي قبل يروح الرجل لطريقه ان البوك اختفى:112: والبوك يا اخوان فيه كل الفلوس و كل البطاقات حتى بطاقتى معاه يعنى رحنا وطي:112:
انا خفت و طاح قلبي برجليني الصراحه بس الرجل بسرعه طلع البوك من مخباه و عطاه زوجي زوجي مسك فيه مع بلوزته و يقول له ليش بالعربي خ ما يدري وش صار له
المهم انا هديت زوجي الحمدلله
و خليناه يروح بعد التاكد ان البوك ما نقص منه شي
الرجل يتكلم لغة اهل البلد مو انجليزى يعنى بس يردد كلمه ثانك يو ثانك يو
يعنى المفروض تقول لي شكرا
شكرا على ايش يا باشا
اليوم انقلب هم و غم و كل ما تذكرت جنيف تذكرت هالحادثه و ضاق صدري
من بعدها صرنا نخلي الفيزا و جزء من الفلوس فى عده اماكن اللى بالسياره و اللى بالفندق و اللى معاي بالشنطه:x1::x1:
البعض من الاهل يقولون ممكن قصده يشرف و كان يبي يحذرنا من اللى عندهم حركات و خفة يد
بس والله ماادري وش المقصد بالضبط
اللى يقهرني فيهم انهم يتكلمون معنا اول شي بلغتهم بعدين انا اقول لهم انجلش بليز بعدين يتكلمون انجلش
انا ماادري ليش ما يتكلمون معنا انجلش من الاول لان اشكالنا واضح اننا عرب و اكيد ما نتكلم لغتهم
لذلك انصحكم انكم ما تخلون فلوسكم و بطاقتكم بمكان واحد
علشان اذا صار شي لا سمح الله ما تتوهقون
صارت لى قصه ثانيه تضحك بقول لها لكم هديه
هذا اول او ثاني يوم لنا فى سويسرا و احنا نتمشى باحد جبال الالب ندور لنا على مطل حلو
طبعا فيه بعض البيوت المتراميه هنا و هناك

المهم انا شفت بيت اشوف وراء نزله قررت اروح اشوف وش اللى ورا هالبيت

انا ما بعد وصلت البيت الا و اسمع صوت نباح كلب عالى تصدقون يا جماعه بحياتي ما انفجعت مثل هالمره
لدرجه انى انعميت ما شفت الكلب ما حسيت بروحى الا و انا اصرخ بقوه و اركض ناحيه زوجي و ولدي و اانا بنفسى افكر اقول المفروض ما اركض بس ما قدرت اقف لكن الحمدلله لما وقفت وراء زوجى والكلب شاف زوجى واقف ما تحرك وقف طبعا على هالازعاج طلعت راعيه البيت تعتذر بلغتها طبعا و انا اصيح بقوه و كان ورانا واحد جلس يشرح لراعيه البيت وش صار و هى بس تعتذر المهم حنا رحنا و تركناهم و انا ما قدرت ارجع لنفسي الا بعد فتره زوجي يقول ان الكلب كبير بالمره كبر كلب هايدي (برنارد) انا ماشفته لانى انعميت من الخوف
وش رايكم عاد بهالقصتين ؟؟؟
و الحمدلله على سلامتنا و سلامتكم