عنود الحب
22-09-2022 - 07:14 pm
السلام عليكم ورحمة الله وبركاته
اخواني وخواتي ..
نحن نوينا ب اذن الله انسافر للنمسا لمدة اسبوعين
تاريخ السفر المقترح : من 25 ابريل إلى 10 مايو
هاي اول سفره لنا ل اوروبا ف مب عارفين كيف نرتبها بطريقه سهله ومريحه لنا كلنا
عدد الاشخاص 4 اشخاص .. انا وزوجي وطفلتين بعمر 3 سنين ونص والثانيه سنه في موعد السفر ان شاءالله
وهذا خط الرحله المقترح من مكتب السفريات بناء على رغبتنا (قابل للتعديل)
بصراحه انا ابا الرحله تكون مكس .. بين الطبيعه والهدوء .. وبين الحركه والشوبنغ يعني نجمع بين الاثنين
فنفس الوقت ابا الرحله تكون سهله خاصه انه معانا اطفال
ياريت تفيدوني ف ترتيب الرحله على حسب خبرتكم بليز
عشان خلاص اعتمد التواريخ ونتوكل على الله ونحجز
عندي استفسار ثاني .. نسافر على الاماراتيه بما اني من الامارات ؟ والا نسير قطر ترانزيت ونسافر على القطريه بما انها اوسع ؟؟ يعني هل يسوى نروح ترانزيت قطر ونغير الطياره والا نسير دايركت؟
وبالنسبه للطفله اللي بعمر سنه .. كيف ممكن تنام فالطياره ؟؟
وهل نستأجر سياره ؟ شو اسهل طريقه للتنقل؟ لانه بناتي متعودات على كرسي الاطفال فالسياره وبصراحه اخاف بدون الكرسي
والميزانيه مافيها مشكله ب اذن الله بس اهم شي مايكون مبالغ فيها ^_^
المخطط صعب جدا خصوصا بيكون معكم أطفال
رأيي لكي تستمتعو بالرحلة أختيار دولتين متجاورتين حتى تسهل عليكم المسافات
والأختيار أما يكون
النمسا والمانيا
أو المانيا وسويبسرا
أو سويسرا وأيطاليا