وايش افضل توزيع للمدن
مع العلم احتمال تكون 15يوم والميزانيه مابين 20الف
الى25الف طبعا مع التذاكر

السلام عليكم ورحمة الله وبركاته ::
هلا اختي حياك الله .
بالنسبة للميزانية ..لازم تبحبحوها شوي ما دام انها شاملة التذاكر ..خلي التذاكر بره الحسبة.
على العموم ..ماا ادري وش القصد بفرنسا ..هل هي باريس ولا الريف الفرنسي المجاور لجنيف ؟
وثانيا هل التنقل بالسيارة ولا بالقطارات ؟
وافضل شهر للسفر هو شهر مايو ..الجو عليل ..ويصادف وقت اختبارات ..يعني مافي زحمة ان شاء الله .
بالنسبة للروابط جربو انكم تدخلوها من الكمبيوتر وليس من الجوال او الايباد .
ادخلو على موقع الخطوط السعودية وشوف ايش المناسب لكم .
علما اذا كانت باريس بالخطة ..المقترح ان تكون المغادرة على جنيف والعودة من باريس ..مع امكانية العودة ايضا من جنيف .
وفي انتظار ردكم .

هلا ياغلاتي
بالنسبه للميزانيه مافيه مشكله نبحبحها
بس بعد مااخذ من خبرتكم تقسيم الايام بين سويسرا وفرنسا باريس
وبالنسبه التنقل سياره والا قطار هذا راجع لنصيحتكم لي
لاني واثقه بالله ثم بارشاداتكم النيره

يا مرحبا ....
بالنسبة للتقسيم ..هذا المقترح ممكن يناسبكم .
الوصول باريس والعودة من جنيف :
باريس اربعة ايام
انترلكن خمسة ايام
لوقانو ثلاثة ايام
جنيف والريف الفرنسي ثلاثة ايام
وفي انتظار رأيكم .

عن جد يسلمو كلك ذووق وكلي احترام لك
بس السؤال انتي أضفتي لي لوقانو
انا كان تخطيطي انترلاكن
باريس
زيورخ
لوزيرن
فانت رشحتي لي انترلاكن
وباريس
ولوقانو
وجنيف والريف الفرنسي
عجبني ترشيحك للمدن بس وودي اضيف كمان زيورخ ولوزيرن
هل انها مايحتاج اقدر اروح لها من وحده من هالمدن يوم وارجع نظرا لقربها
إسفه ع الاطاله

عفوا ..اختي ..ترى المعرف Medo 77 لرجل ..وليس لأمرأة.....
الله يسلمك اختي.
طيب ..على كذا يكون التخطيط الاخر كالتالي:
الوصول الى باريس والمغادرة من جنيف.
باريس اربعة ايام
زيورخ او ضواحيها ..او لوزيرن ..كلها قرب بعض.. اربعة ايام .
انترلكن اربعة ايام
جنيف ثلاثة ايام
باريس ما تحتاجون فيها سيارة ..واليوم الل طالعين فيه لسويسرا ممكن تستأجرون سيارة وتسلمونها في مطار جنيف القسم الفرنسي
عشان يكون الاستلام والتسليم في نفس الدول .
وممكن يكون المخطط كالتالي :
باريس اربعة ايام
انترلكن اسبوع (ومنها يوم لزيارة زيورخ ..ويوم للوزيرن )
جنيف والريف الفرنسي اربعة ايام
انترلكن اسبوع لأن ممكن تلقون شقق بنظام ايجار اسبوعي ارخص من الفنادق بكثير.
والامر راجع لكم في الاختيار
وبالتوفيق

الله يجزاك خير
بس سؤال لو بغيت أضيف النمسا معها كيف تصير الخطه
واتمنى برضوا القى افاده من ناحيه موقع شقق وكم بالنسبه التقريبيه تعادل ضرائب الفنادق بالسعودي

ممكن تحددين اي مدن بالنمسا بالضبط ..
لأن المسافة راح تكون بعيدة ..ومن وجهة نظري الشخصية ..انكم ما تحطوها في مخططكم .
الرجاء مشاهدة خرائط قوقل للاستزادة.
وموقع بوكنج يظهر لك كم ضريبة الفنادق ..لأنها ممكن تكون مشمولة مع سعر الحجز .
وهذه موجودة تحت خيارات الغرف في اي فندق تختارونه .
وبالتوفيق