الوقت مناسب للمدن التي اخترتها ولكن التوزيع غير جيد
الأفضل إدخال برشلونة لأن عدد الأيام كبير 15 ليلة
السفر بالسيارة متعة فالأفضل لكم ( من وجهة نظري استخدام السيارة في كل تحركاتكم من المطار إلى المطار )
أنصح بالتخطيط التالي مدريد 4 - سرقسطة أو كالاتايود 1 - برشلونة 3 - أليكانتي أو بالنسيا 2 - غرناطة 2 - أشبيلية 2- مدريد 1

• * الأرقام تعني عدد الليالي

التأشيرة تستخرج من السفارة الإسبانية شخصيا

zaman99s
ام اشكرك زمان ع الرد ,,
بس مدري انا فكرت بعد اضيف برشلونه ,,
وبالنسبه للسفر بالسياره اوافقك انا الراي بس الوالد مايبي صراحه ,,
وبالنسبه للتوزيع انا كان ودي بعد ان اوزع اكثر فقالو لي ان اكتفي في هالمدن بس الثلاث ,,
وقالو لي راح يكون تعب عليكم تتنقلون لان حنا عائله والمسافات مب شوي بينهم ,,
فمدري صراحه للحين محتاره ,,,
طيب وش رايك لو اضيف ع هالمدن 3 برشلونه ,!!
بحيث اقلل من الليالي من المدن الثانيه ,!
والله بصراحه احترنناا كثير كل شخص يقولنا كلام فياليت تفيدني واكون شاكره لك ,,

والله براحتكم
لكن مدريد ممكن تنبسطون فيها مدة طويلة لو كان معكم فيها سيارة وتزورون القرى اللي قريبة منها ( طليطلة - بيالبا - ناباثيررادا - الاسكوريال وغيرها )
قرطبة ما فيها شي أبدا المسجد وبقايا مدينة الزهراء يعني نصف يوم بيكفيها يعني ليلة واحدة كفاية
أشبيلية ممكن تأخذون فيها يومين لوجود مطاعم وكافيهات وجلسات على النهر وكذلك مدينة ملاهي وقصور آل عباد الأثرية والمنارة
غرناطة هي أشهر المدن الأندلسية ويوجد فيها قصر الحمراء الأثري ( أعظم الآثار الإسلامية في الأندلس ) وكذلك الحي القديم والمرتفعات الجبلية القريبة منها

والله يازمان خليتني اعيد حساباتي كلها من الاول وجديد ههه ,,
طيب وش رايك انت توزع لي الايام ,!
وكيف المسافه بينهم وكذا ,. !
واكون شاكره لك واله ,,
لان من جد مخي انحاس خلاص حسيت بديت اتشتت ههه

non r
ما أدري عن فكرة السيارة في مدريد
وكذلك الانتقال بها إلى قرطبة لأن القطارات بتصير مكلفة

non r
معليش
هذي أمور ما يبي لها تشتيت لازم قرار
أبغى إجابات على ها الأسئلة وما عليكم
1- ليش الوالد الله يحفظه متخوف من السفر بالسيارة ؟ والله السفر في أوربا بالسيارة متعة
2- كم عدد أفراد العائلة كبار وصغار
3- رأيكم في وجود السيارة معكم في مدريد ( عشان تسكنون بعيد عن السنتر وتتنقلون بالسيارة ) مع العلم بوجود قرى محيطة بالمدينة ينصح بزيارتها وكذلك عدد من المجمعات التجارية

zaman99s
والله تشتت لان كل احد يقول كلام ,,
بالنسبه للسياره هو مب تخوف بس الوالد مدري مايبي وحنا عددنا كبير ماشاء الله ,,
وعدد افراد العائله حنا 9 كبار وطفل عمره 11 سنه ,,
بالنسبه لفكره السياره تكون معنا فكره مش بطاله يعني ان شاء الله الوالد اقدر اقنعه بفكره السياره ,,

non r
9 كبار ما شاء الله
طبعا تحتاجون فان
بس لو فكرتوا فيها من ناحية اقتصادية فرحلة إلى قرطبة من مدريد بتكلفكم تذاكر القطار حوالي 500 يورو فلازم تقنعين الوالد بكذا