مضيع جواازه
05-11-2022 - 12:55 pm
السلام عليكم ورحمة الله وبركاته ..
كيف حالكم يآهل البحرين .. عيدكم مبارك قبل الزحمه ..
ابي مطعم عائلي يقدم فطور رمضان وياليت لو كان بوفيه ..
وودي اسأل عن المجمعات(السيف - ستي سنتر ) متى يفتحون ومتى يقفلون ..
مع التحيه
اخوي بالنسبه للمولات اللي سمعته ان الستي يفتح من الصبح ومايسكر الا 2 بعد منتصف الليل ..
والسيف اللي اعرفه انه يفتح 10 ويسكر 2 او 3 ويرجع يفتح 7 المغرب لين منتصف الليل
والمطاعم عندك الافضل مطعم الواحه بفندق الخليج بس يمكن ماتحس بالخصوصيه لانه مزحوم
ومن بعده الشيراتون والرتز والريجنسي ..
واذا تحب بوفيه بمطعم عادي عندك يمدحون لاميزون فرع الزنج>> تخلي عين عذاري على يسارك
واول اشاره بعدها(قبل ماكدونالدز) تاخذها يسار وتروح شوي سيده راح تلقاه عند الاشاره عاليسار
لصيق بيتزا هت ..
وعندك بعد فالستي سنتر وافي غورميه يقدم بوفيه افطار وفالسيف رانديفو ..
وحياكم الله فالبحرين