امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الرميحي
23-07-2022 - 10:57 am
السلام عليكم ورحمة الله وبركاته ,,,
ممكن مساعدة بسيطة وهو ابي شقق بجانب هالمستشفى يعني قريبة منه وهي :
University of Texas M. D. Anderson Cancer Center, Houston وتكون آمنه وياريت فيها عرب وياريت من اللي بيساعدني يعطيني كذا شقة وبأسعارها ومشكورين وايد .
مع السلامة


التعليقات (5)
ح ع القحطاني
ح ع القحطاني
رديت عليك في موضوع سابق وارد عليك هنا
اذا انت قادم الى هذه المنطقة من اجل العلاج ففيه اكثر من مجمع يحوي شقق مفروشة ياجرها عرب على من ياتي للعلاج من اهل الخليج ...وهذولا الوصول لهم سهل ...و الاكثرية ممن يتعالج يستاجرون عندهم خاصة انه تعرف ما يعرفون متى يخلصون والشقق تكون جاهزة ومفروشة وبجنب خليجيين بعد...
وطبعا اسعار هذه الشقق اغلى مما لو تاخذها مباشرة والسعر على حسب عدد الغرف ...و ممكن من عنهم برضة تستاجر سيارة
عموما اذا وصلت تعال الى مسجد المائدة وتلاقى الخليجيين بكثرة ويساعدونك في الايجار
وعنوان المسجد
3Almeda Rd, Houston, Texas, 77054 USA
و اول اسبوع احجز في فتدق قريب من المستشفى
واذا تبغى تكلم الشقق مباشرة وتحجز ممكن ارسل لك الارقام

الرميحي
الرميحي
ح ع القحطاني
السلام عليكم ورحمة الله وبركاته ,,,
والله مادري شاقولك اقولك يعطيك العافية ولا جزاك الله خير تدري ان هالكلمتين اللي كتبتهم تقريبا حلت كل السالفة ومايحتاج اسأل عن الشقق وياريت منك يالشيخ ترسل لي الارقام عالعموم انا ابي 2غرفتين وصالة لان معاي العيال واشكرك من كل قلبي والله يحفظك وين مارحت

الرميحي
الرميحي
أخوي ح عع القحطاني اظاهر مافي في هالموقع رسايل خاصة هذا إيميلي وياريت أدز لي أرقام الشقق للتواصل معهم
وشكراً لك
XXXXXXXXXXXXXX
تمنع الادارة وضع الايميلات والارقامم الخاصة في الردوود
وتكرار ذلك يعرض معرفكم للايقاف ..
مع تحياتمراقب المنتدى ومشرف البوابة الامريكية
Impact

كويتي شرقاوي
كويتي شرقاوي
حياك الله أخوي
و أدعي الله أن يشفي مريضكم و يعافية يا ربي هو و كل مرضا المسلمين
مثل ما قالك أخوي في الرد
و أذا تبي تتصل فيهم بالمسجد
عنوانهم و رقمهم موجود في هذا الموقع
كلمهم بعد المغرب عندنا
وبس و خلك مطمن أن شاء الله بس كلمهم السلام عليكم كان أي سبيك تو أني سبيك أربيك
قولهم بالأنجليزي أقدر أكلم أحد يتكلم عربي
و هم أن شاء الله ما راح يقصرون معاك
تفضل الموقع و العنوان و هاتف المسجد
http://www.islamicfinder.org/getitWorld.php?id=34860&lang=

الرميحي
الرميحي
ح ع القحطاني
كويتي شرقاوي
الله يعطيكم العافية واسمحولي عالتأخير والله يجزاكم خير على الردود الطيبة
أخوكم إبراهيم من قطر


خصم يصل إلى 25%