البلسم الشافي2
ان شاء الله تكفي وخذهم خل ام العيال تستانس وتغير جو ..
بس لو تطلع من بينانج للكاميرون دايركت بيكون افضل وتزيدها يوم او تخليه لصالح الكميرون باخر الايام..
ولا تنسى تمر سيلانجور وجتنق وانت بكوالا
وتنقلاتك بين المدن خليها بالباص اوفر لك وامتع للنظر
وممكن بكوالا عن طريق الهوهو ..
رحلة سعيدة

لو تركتهم هذي المرة ورحت ماليزيا لوحدك اسمح لي أقول عنك أناني
ما فيه أحلى من السفر فلا تحرمهم هذي المتعة خاصة وجزء كبير من المصروف مدفوع عنك
فترتك حلوة جداً ماشاء الله والمبلغ يكفي إن شاء الله خاصة إذا سكنت في فنادق أقتصادية
أقترح عليك البرنامج التالي :
الأربع الأيام الأولى اللي أعتقد بيكون فيها الدورة في
كوالا : شقة غرفة وصالة في فندق رويال شولان بالقرب من شارع العرب
السفر براً بواسطة الباص إلى كاميرون
3 ليالي كاميرون هايلاند : فندق أكوتاريال
ثم المواصلة براً إلى بينانج
3 ليالي : بينانج فندق فلامنقو
ثم بواسطة الفيري أو طيران إلى لنكاوي
3 ليالي لنكاوي : فندق هوليد إن فيلا
ثم بالطائرة إلى كوالا
3 ليالي : كوالا شقة في التايمز سكوير (حسب رغبتك)
حساب التكلفة تقريبياً :
الفنادق = 7000 ريال
المواصلات = 1000 ريال
(باص : كوالا - كاميرون - بينانج ثم الفيري : بينانج - لنكاوي ثم طائرة : لنكاوي - كوالا)
مصروف يومي = 400 * 16 = 6400 ريال
المجموع = 7000 + 1000 + 6400 = 14400 ريال
يعني أقل من ميزانيتك ب 700 ريال دبرها من أي أحد وتوكل على الله
وللمعلومية ممكن تكون الميزانية أقل من كذا بس أنا أخترت لك فنادق مستواها ممتاز
وأفترضت مصروفكم اليومي 400 ريال كحد أقصى علماً بأنك ممكن تختصره إلى 250 أو 300 ريال
تمنياتي لكم بالتوفيق ورحلة سعيدة إن شاء الله

حياك الله اخوي
واتوقع ان شاء الله تكفي باذن الله لو صارت الفنادق اقتصاديه
ولو تحط مبلغ احتياط للطوارئ
طبعا الصرفيه تعتمد عليكم انتم فهناك من يصرف في اليوم 200 رنجت وهناك من يصرف 600
وتعال نحسبنا قليلا
لو حسبنا متوسط الفنادق 350
0× 17 = 5950
مصروف تقريبي يومي 250
250×17 = 4250
التذاكر الداخليه والتنقلات
تقريبا 1500
لو حسبنا المبلغ كامل
0+ 5950 + 6350 + 1500 = 18050
طبعا المبلغ تقريبي واذا حبيت نحسبها بشكل ادق ارجو تزويدنا بوقت الدوره او عدد الايام التي ستمضيها في كوالا
علما بانك وضعت تاريخ خطا لا اعلم هل هو تاريخ العوده ام تاريخ السفر

ابو انس الظاهر نتكب الرد بوقت واحد
واخونا مثل ماذكر ان عنده دوره في ماليزيا
واتوقع انها اربع ايام في كوالا وستكون بدايه الرحله وبعدها تبدا رحلته

ابوساره11
إي والله الفرق بيننا دقيقة
جزاك الله خير على التنبيه عدلت المشاركة الآن
تمنياتي لك بالتوفيق أيها السمي (أنا أيضاً أبو سارة)

شموخ
والله كنك شايف العائله طفشانين من الروتين اليومي مفروض كل سنه تغير جو انت والعائله وفرحت الصغارين تسوى شين كثير مشكور

المغادرون 2007
هلابك اخوي والله صدقت في اللي قلته خصوصا يوم رحت شهر 10 زهقت على ان معي اخويا 5 اشخاص بس ماتصلح شباب عوائل فقط
واشكرك على اقتراحاتك لبرنامج الرحله اعجبتني جدا بس ماذكرت اهم موقع يصلح لاطفال جنتق لان فيها العاب للاطفال وش رايك اليوم الثالث استاذن من الدوره وروح من الصباح الى العصر لجنتق ورجع بنفس اليوم او تفضل المبيت
والشي الثاني في لنكاوي وش تفضل شليه او فندق انا اتوقع الاطفال يبون ينبسطو في الشليه يسبحون وش ترشح شليه فيها العاب للاطفال عادي لو وصل السعر 400 رجنت
انتظر ردك وشكرا

ابوساره11
الله يحيك اخوي قبل شوي حسبت المبلغ اللي معي تقريبا 900 في اليوم لمده 17 يوم شامله الفندق والمواصلات والاكل علما اكلنا المتعودين عليه اما غدا او عشاء فقط وباخذ معي عزباء قهوه ومعاميل رز وغيره بسبب الاطفال يحبون الرز غداء لهم اتوقع تكفي 900 في اليوم شامله كل شي
ووقت السفر المتوقع 31-6-2011 والمغادره 17-7-2011 واسف على الخطا في تاريخ العوده
ومشكور على التنبيه وتفاعلك وتفاعل الشباب في مشاركتكم وطرحكم اللي استفدت منه بشكل ماتصورونه

اخوي المغادورن 2007 ابي استفسر منك الفنادق اللي ذكرتها هل يسمحون باقامه معك طفلين ام لا علما عمارهم واحد 6 سنوات والثاني 3ونصف