بس أبي أعلق على هولدي إن ببنانق مهب زين شوف متيارا

اختياراتك موفقه والله يوفقك بس عند الاكواخ لااعلم يمكن الاخوان يفيدونج

1. أولاً ألف مبروك مقدماً وأسأل الله تعالى لكما دوام التوفيق والسعادة


2. للإحاطة أنا الآن أتواصل معك من الوستن

أولاً ألف مبروك مقدماً وأسأل الله تعالى لكما دوام التوفيق والسعادة

بالنسبة للفنادق التي أخترتها كلها رائعة باستثناء أستانا فهو قديم نوعاً ما وأثاثه لك عليه وسوف تشعر بالفرق الكبير خصوصاً أنك سوف تسكنه في نهاية رحلتك وستشعر بخيبة أمل لأنك كنت في فنادق راقية جداً ثم تحط رحالك في هذا الفندق ستشعر بفرق قد يعكر عليك صفو رحلتك ... أنصحك بقوة بالوستن فهو راقي جداً وسعره نوعاً ما مقبول (غرفة ديلوكس على البرجين) سعرها لا يتجاوز ال600 ريال .

للإحاطة أنا الآن أتواصل معك من الوستن

بالنسبة للوستن في لنكاوي يعتبر ثاني أفخم فندق وهو راقي جداً وأنصحك تشيل فكرة الأكواخ من برنامجك لأنها حقيقة لا تسوى مجرد اليوم الأول لأنها بالنسبة لنا تعتبر جديدة ولكن لها ضريبة (البعد عن الخدمات بمعنى أنك تحتاج السيارة للتنقل من وإلى الغرفة) كذلك (عند هطول الأمطار الغزيرة التي تمتاز بها لنكاوي تشعر بأنك على ظهر مركب ولست في مكان آمن :101 كذلك بعض الأكواخ بحكم طبيعة مواقعها (في جميع الفنادق التي تقدم هذا النوع من الغرفة) لا تخلو من الحشرات الزاحفة الصغيرة (البريعصي :101 وأنت بحاجة إلى أن تتهنى في رحلتك لا أن تقوم باستلام وردية حراسة آخر الليل عشان العروس تنام
بالنسبة للهوليداي إن في بينانج موقعه مميز ولكن بعض الإخوة ذموه من حيث عدم النظافة وأرى البديل فندق (قولدن ساندوز) وهو أحد فنادق مجموعة شنقريلا المشهورة بفخامتها .. وكنت فيه قبل أيام وهو مميز بالنظافة لكن يعيبه كثرة الغربيين فيه (لا كثر الله الضايعين منهم) ويؤذون المسلمين بتفسخهم ونشر قاذوراتهم وثقافاتهم دون حياء .. وعلى الرغم من ذلك فقد شاهدت ما يسر قلب كل غيور من محافظة وإلتزام بتعاليم ديننا العظيم من بعض الإخوة والأخوات بكل عزة وفخر .. ولن أنسى تلك الأخت الكريمة التي أمسكت بمصحفها وأخذت تقرأ كلام ربها وهي في بهو الفندق وبكامل حجابها الشرعي وكم دعوتُ لها ولأخريات أشاهدهنَّ وقت الإفطار مع أزواجهن ..
كلامي مجرد رأي من أخ لأخيه
وتمنياتي لكما بحياة ملؤها الحب والود والهناء

الف مبروك والله يوفقك آمين :x1:
أولا إذا انت مصمم تروح لماليزيا شهر عسل محنا مقصرين معاك بس اذا تبي رايي تروح النمسا احلى كشهر عسل وخله اسبوعين او 12 يوم هناك صح عسل ان شاء الله .
ما ليزيا حلوه مره بس من وجهة نظري ما تصلح للمعاريس لأني شفتهم هناك والديرة ماتناسبهم وانت ابخص( وجهة نظر بس)
اما بالنسبه للايام سلانقور حلوة كبداية أما لنكاوي حرام عليك 3 ايام بس لانها ديرة رومانسيه ومعاريس وانت اعلم بهالامور انا رحت لها مع عيالي الله يخليهم وصرت كاني بشهر عسل الجو والهدوء والاوتيل كان لانكاوي لاجون في الفلل اللي فوق البحر اه خيال جلست فيها 5 ايام واتوقع هذا اقل شي اما بينانج 5ايام حلو بس تراها مزعجه شوي ماتصلح للمعاريس 3 ايام برايي تكفي والهوليدي ان حلو واذاانت تعرف تسوق السيارة يمين ( ماأدري هو يمين اويسار المهم عكس السعودية ) خذبلانكاوي وبينانج سياره أجار من المطار لان زوجي أخذ سياره 100 ريال ببينانج و80 ريال بلانكاوي وارتحنى من التكاسي اللي المشوار من الفندق ب60 ريال واللي على الشارع 25 تقريبا ولا تنسى السوق الليلي في بينانج على شارع الهوليدي ان .
اختيارك كوالا لامبور 5 ايام ممتاز وللاسف الاوتيل ما أعرفه بس التايمز سكوير يجنن(350ريال وغرفه وحمام تكرم وصاله ومطبخ صغير وتحته 6 أدوار سوق مثل الفيصلية تقريبا وهوبرج كبير سكنى بالدور 42 كل يوم نشوف كوالا من الغرفة حتى اننا استغنينا عن البرجين والمناره )و لانه موقع ممتاز( شارع بوكيت مزعج مسخرة شباب لا تسكن فيه والتايمز قريب منه شوي تروح له رجليه) على السكاي ترين لان في كوالا لاتقرب التكاسي لان الديره زحمه وراح تمل بالمشاوير مثل الرياض تقريبا فالسكاي ترين هو الحل (اتمنى ربعنا يزينونه بالرياض علشان نحبها شوي ) وخل كوالا وقت الشوبينق والهدايا لان عندك مجمع بي بي وكذالك فيه مجمعات على الدرب وكلها جنب التايمز على الرجلين وفيه ميقا مول بالسكاي ترين بعيد شوي بس لاتفوتونه واذا انت تمون على العروسه وتكلمها قلها ماتقضى واجد من السعودية لان اللي هناك غريب ورخيص مرره واحلى من النار اللي عندنا :112:
واذا انت تحب الفرفشه لا تفوتون افا موسا اطلعو لها رحلة يوم كامل بالتاكسي ب 250 ريال وتقرير ابو لينا فيه ارقام التكاسي وكل شي تحتاجه هناك الله يوفقه عملاق ماليزيا (ابو لينا)
هذا اجتهادي ورأيي ولا يعبر عن رأي الباقي من أعضاء المنتدى وأخيرا ادعو الله لك بالتوفيق( والله يجعلها عين الخيرة )

وعليكم السلام ورحمة الله وبركاته
ان شاء الله زواجي بشهر نوفمبر وناوي اروح انا والمدام ماليزيا مع العلم بأني اول مره اروح لها وحاب استفسر
بارك الله لكما
وبارك عليكما
وجمع بينكما بخير
اول يومين راح اكون في سلانقور اسم الفندق ( صنواي لاقون )
تمام ماشاء الله..ممتاز
وبعدها راح نتوجه ان شاء الله إلى لنكاوي اسم الفندق ( شيرتون لانكاوي بيتش ) وراح نجلس فيها ثلاث ايام
يمدحونه بس ماسكنت فيه شخصيا
وبعدها راح نتوجه ان شاء الله إلى بينانق اسم الفندق ( هوليد إن ) وراح نجلس فيها خمسه ايام
مستواه وسط..بس موقعه رائع..
ومنطقة المسابح والرياضات البحريه اللي قدامها مره زينه
وعلى فكره ترا قسمين...قسم على الشاطيء مباشره..
وبعدين جسر فوق الشارع ويجيك الجزء الثاني..البرج..
بالنسبه لمتيارا اللي نصجوك فيه الاخوان كان مسكر للصيانه قبل كم اسبوع..مدري اذا خلص والا لا..
وبعدين بعيد عن باتو فرينقي(منطقة السوق الليلي)
وبعدها راح نتوجه ان شاء الله إلى كوالا اسم الفندق ( أستانا ) وراح نجلس فيها خمسه ايام وراح تكون
هناك نهاية الرحلة 0000
اوكي ..استانا ذا اختلفت عليه الاراء..
فيه من يذمه بشده.. وفيه من مايبيع ولا يشري فيه..
علشان كذا اتمنى تروح شي مضمون..وموقعه ممتاز
فيه فندق كانوا ساكنين فيه اهلي قبل كم اسبوع وزرتهم فيهم.. على طول بظهر شارع العرب(اقرب من استانا حتى)
وقدامه مباشره اسواق التايمز سكوير (اسواق..ملاهي...مطاعم.. سينما)
ومستواه زين.. ونفس السعر اللي انت تبي..
(فندق ميليا)
melia kuala lumpur
http://www.solmelia.com/solNew/hoteles/jsp/C_Hotel_Description.jsp?codigoHotel=5702
تحياتي لك..
وتمنياتي لكم برحله سعيده ان شاء الله
وقبلها بحياة سعيده مع بعض وعقبال مانشوف عيالكم ان شاء الله هنا يطلبون مشورة بشهر العسل ونرد عليهم وحنا ماسكين العكاز وطقم الاسنان الصناعي طاير على الكي بورد من الحماس :

الله يعطيكم العافيه ولا يحرمنا منكم يارب
وربي انكم ماخيبتو الامل فيكم وثقتي فيكم كبيره وعشان كذا انا اقول مالي غنا عنكم
ومشكورين على المرور والله يقدرني ان شاء الله اذا رحت وكان فيه احد يبي مساعده تامرون امر
وحتى هذاك الوقت راح يكون مالي غنى عنكم 00000

ألف مبروك زواجك أخي
ومنك المال ومنها العيال
في كوالا خذ لك فندق (رويال بنتانج) على شارع العرب أنا سكنت فيه ب350 أو اقل
لاسيما انه يناسب ميزانيتك
الغرفة نظيفة وفيه مسبح ونادي رياضي ومساج
وأنصحك آخر يومين تأخذ فندق (تريدرز) تراه خيال
وسعره 500 ريال
أما بينانج فعندك فندق (شنجريلا قولدن ساندس) حلو انا سكنت فيه العام الماضي
وبالنسبة لهوليدي ان
الكثير من الاعضاء مايمدحه
أتمنى أكون افدتك واي سؤال أنا حاضر
صديق الكل

اخوي اسمحلي احوس برنامجك
اول شي ليه تجلس في كوالا اطلع لانكاوي على طول عشان ماتدخل كوالا مرتين وهذا افضلك واوفرلك
هوليدي ان اوكي بس انتبه خذ الفندق اللي على البحر مو البرج لانه فيه اثنين
صن واي لاجون ؟؟؟؟ تعبت وانا اقول خلو عنكم هالمقلب السكن فيه ليه ( فيه مقال كاتبه عن مقلب سيلانجور )
اسكن في كوالا ورح لصن واي لاجون ( صن واي لاجون في كوالا ) وارجع وانتهت السالفه
فنادق في الشارع العربي وسعرها مقبول
فيدرال + دوريست ريجنسي + روريال بينانج+ مليا كوالا
كل هلفنادق ممتازه وسعرها من 230 الى 320 ريال

مشاء الله الف مبروك مقدما وقدامكم الحياة السعيده و العسل :x1:.....
اخوي بس عندي تعليق بسيط ومن واقع تجربه أنا كنت في لنكاوي قبل اسبوعين و نزلت بلنكاوي لاجون بصراحة كانت الجزيرة جدا رومانسيه من جد جزيرة العشاق انصحك انك تزيد بأيامها بدل بينانج أنا نزلت عشرة ايام بنكاوي لاجون و 15 يوم في شاليه لنقورا بارون علما بأننا كنا عزابيه اثنين صراحة تمنيت اني متزوج يوم شفت زوج الكناري الخليجي اللهم لا حسد
على الشاطي بالليل والله تحس انهم في حياة ثانيه ... هذا رأي ما هو شرط يعجب اي احد
و قدامكم الحياة الحلوة يارب