اولا سؤال مهم بالنسبه لتختيم والتطبيق عند الوصول فيه حرمه صنعه سنافيه تطابق على خشتي اهم شيء عندي
عشان مااسوي سالفه وارجع مع اول طياره
لان لي اكثر من سنتين واحنا نقرر ونحجز وتتكنسل لضروف طارئه والخيره فيما اختاره الله
من فتره وانا مزعجه بوابة تايلاند وهونج كونج بس ربي ماكتب لنا السفره
وتاجلت قصت حياتي
الحين ابي اروح اريح اعصابي واخترت سيلان
بس انا ابيها 14 يوم لاني مرتبطه بمدرسه بنتي ابيها ان الله كتب في عطلة الترمين اللي توافق شهر 2 عربي وشهر واحد ميلادي والعطله اصلا 10 ايام بس ازيدها منا يومين ومنا يومين
مااحب ارهق عمري فهل 14 يوم كافيه
وش يكون توزيعها وللعلم عددنا شخصين وبنتي 5 سنوات
ودي احد يخاوينا بس مهنا احد احسها فله بالجمعه
هل الحجز من النت ارخص انا ناويه كذا وناويه اقارن مع المكاتب ورشحولي كذا مكتب عشان اراسلهم وياليت تكون مجربه ولا اتفشل مع الوزير
طيب اذا بحجز من بوكينق مالقيت بالوجبات بس بالفطور وشلون اطلبه والافضل بالوجبات او بس فطور
وتراني ماابي سرير سريرنا معنا للبنت
وبالنسبه للخطوط انا شيك على السيلانيه ل3 بدرجة رجال اعمال ب7622
والامارتيه ب9400والسعوديه ب9600وكلهم افق
لان السياحي يقولون كلها عمال
انتم وش رايكم يالي مجربين السياحي لانها ب4000 على السعوديه
اذا بيكون نص السعر استفيد منه وبما ان الرحله حول 5 ساعات نمشيها
ولا اخليني على الافق احسن
الا سؤال يخطر على بالي
لحومهم حلال ولا لا لانهم دوله عدد سكانها البوذين الغالب