أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
لو سمحتو ياريت احد يفيدني لجزيرة شيانق ماي وايضا كوه ساموي وايضا خو هين
هل تنفع كل وحده فيهن مدة خمس ايام لشهر عسل ولالا
ابي معلومات عنهن اذا ممكن
شكرا
انا اقدر افيدك بشيانغ ماي فقط..
مدينة حلوة وانصحك بزيارتها لكن تكفيها 3 الى 4 ايام وراح تعجبك اذا انت من النوع اللي يهوى رحلات الغابة والشلالات فيها اماكن حلوة جدا وفيها اعلى قمة بتايلاند..انصحك تضيفها ببرنامجك
اول شي شانغ ماى ليست جزره انما مدينه جبليه تتمتع بطبيعه وجو معتدل وفيها شلالات وسفارى مثل ماذكر الاخ S.A.A و 5 ايام مناسبه لها
اما كوساموى جزيره هاديه وتستحق الزياره
وهذا موضوع عن كل شي فيها لى اخذ فكره عنها https://artravelers.com
شيانغ ماي كم تبعد عن بوكيت وايش وسيلة المواصلات
نفس الشي لكوساموي كم تبعد عن بوكيت والمواصلات افضل ايش
طبع اذا ممكن سعر المواصلات بالطياره لو فيه كم يكون
شكرا لكم
مرحبااخوي ,
الوسيلة الوحيدة الي توصلك من و الى شنقماي هي الخطوط التاليندية , و اناتوني حاجز امس " الانترنت طبعا" 11,780 بات , يعني 137 دينار بحريني تقريبا , حق شخصين , طبعا ما مازرتها للحين , بس من كثر ما قريت عنها اهني في المنتدى , حبيتها و خليتها في البرناج , و انا اقول انها تستحق زيارة
أخواني الأعضاء عفوا للمداخلة جزيرة كوساموي أقرب مكان لها بوكيت ويمكن الذهاب لها عن طريق الباص تقريبا 4 ساعات ومن ثم تأخذ عبارة أو عن طريق باتايا حيث يوجد بها مطار داخلي صغير يربطها ببعض عن طريق بانكوك أير وكوساموي جزيرة صغيرة بس رائعة تصلح للمتزوجين أو هواة الصيد البحري ويومان إلى ثلاثة أيام كافية
B7RI
من شانغ ماى الى بوكيت وكوساموى الافضل والاسهل الطيران
وكوساموى اقرب لاكن لايوجد الاشركة طيران بانكوك اير تستغرق الرحله ساعتين و40 دقيقه لانه طائراتهم صغيره
اما بوكيت عندك الطيران التايلندى وهي ابعد من كوساموى لاكن اسرع لانه طائراتهم كبيره
اما السعر ما اعرفه لانى كنت حاجز كل الطيران مع بعض
أنصح بزيارة شانغماي وايد حلوة وباردة نوعا ما ، يكفيها 3-4 أيام بس لا تزود
رحنا لها من بانكوك بالطيارة
كلها جبال وزهور ورحلات حلوة والشلالات روعة راح تستمتع فيها أما كوسوماي لحد الآن ما حصل لي الشرف لزيارتها إن شاء الله الرحلة القادمة
مدينة حلوة وانصحك بزيارتها لكن تكفيها 3 الى 4 ايام وراح تعجبك اذا انت من النوع اللي يهوى رحلات الغابة والشلالات فيها اماكن حلوة جدا وفيها اعلى قمة بتايلاند..انصحك تضيفها ببرنامجك