hguvfdi
03-04-2022 - 08:36 am
السلام عليكم
هذي اول مشاركة لي في هالمنتدى الرائع
وعندي استفسار بسيط ودي القى له اجابه من الاخوه الكرام
وهو ان عندي سياره وودي اشحنها الى النمسا ومن ثم اتجول فيها بين النمسا وسويسرا ويمكن المانيا وايطاليا
فهل فيه شروط مححدة لشي زي كذا؟
وهل التكلفة راح تقل علي اذا انا شحنت سيارتي وما استاجرت سياره من هناك؟
وهل نوع السيارة وقيمتها محدد اساسي لمبلغ الجمرك اللي راح ادفعه؟ بمعنى انه كل مازاد سعر السياره اللي بشحنها كلما زادت تكلفة الجمرك؟
وشكرا لكم
شحن السياره له طريقتين , اما الشحن الجوي وهو غالي جدا , واما الشحن البحري وهو اقل سعر من الشحن الجوي
بالنسبه لشحن البحري فيه شركه في شارع صلاح الدين الايوبي ( الستين ) وانت جاي من طريق خريص تنزل من الكبري وتلف يمين بعد الاشاره وبعد 50 متر او اقل تجدها على يمينك , ولكن الشركه ما قد تعاملت معها ابدا فقط شفت لوحتها وايضا ممكن تتصل على استعلامات الدليل( 905 ) وتسالهم عن ارقام شركات الشحن البحري الي في الرياض .
وبالنسبه للاسعار هل تفرق معك لو استئجرت سياره من النمسا او شحنت سيارتك هذا الموضوع تقدر تحدده بعد ما تعرف قيمة الشحن كم وبعدين تستفسر قيمة استئجار سياره من النمسا بكم , وهي في المتوسط 450 ريال لليوم شامل التامين .
وبالنسبه لشروط يتطلب منك تربتيك لسياره وهو بمثابة جواز سفر لسياره مكون من اربعه وعشرين ورقه على الارجح يتم اخذ ورقه واحده منه في كل منفذ حدود تتجاوزه ويختم النسخه التي لديك وسعره تقريبا 500 ريال .
رخصه دوليه ورخصة وسعرها 100 ريال , ورخصة بلدك الاصلي مترجمه للغه الانجليزيه .
هذا ما استطعت اني افيدك فيه واعذرني على التقصير .