حياك الله فى وطنك الثانى الكويت
فى عندك شقق فندقيه فى شارع المطاعم فى السالميه
فى عندك شقق فندقية فى السالميه مقابل سوق السالميه عند شارع البحرين
فندق المنشر فى منطقة الفحيحيل فندق راقى وسعره ممتاز ،،،،،،،
واعتقد ان الذى يملك هذا الفندق هو الامير الوليد بن طلال
واذا ما عرفت عناوينهم ممكن تسال اى صاحب تاكسى وهو راح يوصلك للمكان
وحياك فى الكويت
ولا تنسى زيارة مجمع مارينا مول والمدينه الترفيهيه
وسوق شرق
ومجمع الافينوز
و الاستمتاع فى الافلام السينمائيه سينما الكويت المنتشره فى المجمعات والمولات
وعندك ابراج الكويت فيها مطعم راقى
واذا خلصت من العشاء فى ابراج الكويت واطلع فوق فى الكره الكاشفه وتمتع فى مشاهدة الكويت من الاعلى
ولا تنسى سوق المباركيه وهناك يبوعون حلوى الرهش ،،، وهى حلوى تتميز فيها الكويت واخذها من محل الشمالى
ولا تنسى زيارة القهاوى الشعبية الكويتية المنتشره على الساحل البحرى ، فيها تراث والاكل رخيص جدا وبسعر رمزى وتجد كل الاكلات الشعبية القديمه الذى كان يأكلها الكويتيين فى الماضى
ولا تنسى زيارة الكويت مجك فى منطقة الفحيحيل
يمكن لا تستطيع ان تزور كل هذه الاماكن فى زيارة واحد ،
واى سؤال انا حاضر وبالخدمه لكل زوار الكويت الحبيبه

لقيت روحك ...... أهلا وسهلا فيك وفي بلدك الكويت , موقع فنادق الكويت يوفر جميع الفنادق والشقق الفندقية http://www.kuwaithotels.info وستجد ماتبحث عنه.
تمنياتنا بطيب الإقامة

اهلا وسهلا فيك بس اعتقد ان اسعار الفنادق والشقق في ايام العيد اكيد راح ترتفع اسعارها ومن الأفضل انك تحجز بدري
واذا تحب الشقق في الكثير منها وفي اماكن متنوعه

حياك الله اخوي بالكويت
الشقق الفندقية منتشرة وايد بالكويت
انصحك ابفندق الكورنيش بجانب المرينا مول او وريتز السالمية

صراحه جذي وايد والله احرجتووني
وهذا العشم والله في اهل الكوويت الغاليه ماقصرتو
يعني تنصحوني قبل لا جي احجز؟؟؟ يعني لو جيت في وسط العيد مارح احصل ؟؟

احسن لك قبل لا تيي
و بالعيد بكون زحمه
حتى احنا وقت ما نروح المطاعم انكون مسوين حجز قبل لا نطلع بساعه
عشان تعرف ارقام المطاعم تقدر تدز مسج باسم المطعم حق رقم 80 80 80 و بعدها ادزولك رقم المطعم
و تقدر تحجز =)
اتمنى لك اقامه سعيده بالكويت
و حياك الله