عشان ماتنصدمين اختي انصحك لاتعبين نفسك وتدورين شاليهات راقية فنادق موجود اما الشاليهات كلهم اسوء من بعض حتى الهوليدي ان اللي ينقاله افضلهم مش بذاك الزود اللي يستحق سعره
شوفي فندق السوفيتيل توه جديد وأناقه وفخامه

خساره بحر حلو مافيه شاليهات يسلمو اخووي على النصيحه شكلي راح الغي الشي هذا بكتفي بسوق
كالعاده اشكرك

والله شاليهات على غير سنع مافيه الا الهوليدي أن ومو ذاك الزود بس على الاقل احسن من الشقق وفيه شاليه أسمه صن بيتش قريب للغروب شوفي وحده من العضوات منزله تقرير ونظيف وسعره حلو
والبحرين قريبه أدخلوا وغيروا جو

السسلام عليكم ورحمة الله وبركاته ..
يسعدني أن هذه المشاركة تكون أول مشاركة لي في هذا المنتدى ..
أختي / المسافره رقم 5 ..
بالنسبة للشاليهات :-
شاليهات الهوليدي إن حلوه ونظيفة ..
وشاليهات النخيل بعد حلوه وتشبه الهوليدي إن ..
وكثير ناس تعجبهم شاليهات الخليج ويتكلمون عنها، بس انا صراحة شخصياً مارحت لها ..
أما بالنسبة للفنادق ف على حسب ميزانيتك للسكن ..
يعني من أحلى الفنادق ( الموفنبيك ، الهوليدي إن ، الشيراتون ، انتركونتانينتال ، رمادا ، السوفيتيل ، المريديان ... إلخ ... ) ..
أما بالنسبة للتسوق : مجمع الراشد ، مجمع الظهران .. ( اذا بتتسوقين لازم تروحين لهم ) ..
وفيه مجمع الشاطئ وفينيسيا ومارينا مول .. بس مجمع الراشد ومجمع الظهران أحلى ..
ام .. بالنسبه للأماكن السياحية .. لا يفوتكم ( سايتك - مركز الأمير سلطان للعلوم والتقنية ) ع الكورنيش على ما اعتقد ..
الألعاب : ملاهي الأمير محمد بن فهد ، عالم الثلج ، سباركيز ... إلخ ..
وفيه أشياء وأشياء .. أنتي قولي أيش تبغين وحنا بالخدمه ..
( فنادق - مطاعم - اسواق - اماكن ترفيهيه ) ..
Toona.12
: )

وعليكم السلام ورحمة الله وبركاته
عندك هوليدي ان روعه
فيه شاليه ذاكر واحد من الاخوان ان شاء الله باجر بروح اشوف واذا اعجبنى سكنت فيه لانى باجر عندي طلعت شاليه< اذا مغيرت رايي ورحت للكويت
كانت بروح هوليدي ان بس قالت بشوف الشاليه الا يسال عنه الى اخ و اذا زين ذكرته لك
شاليه النخيل مانصحك فيه ابد الا اذا غيروه يعني سوو له صيانه امكن صار زين
لانى مره كنت معزومه فيه كانو فيه ناس قريبين لى ولا عجبنى ابد
الخليج الكل يمدحه انا مقد جربته اذا معجبنى شاليه الاخ الى يقول رحت له بجربه
وحياكم الله في الشرقيه
بس عندي لك وجهة نظر وانتى على راحتك اذا اعجبتك اولا
نصيح روح لطائف الجو اهناك روعه احسن من هنا والبحر انتو عندكم بحر يعني منتى مشتاقه للبحر
احنا ياهل الشرقيه وانتو ياهل الخليج ملين من الرطوبه نبي جو بارد انصحك صراحه بطائف الهداء والشفا ورخيص مرره
والجو يكفي صراحه احسن من قعدة شاليه بلحر اهناك الجو خيال والاكل انصحك انتى الى تسوينه لانه معندهم مطاعم زينه عندهم البيك ولا احصله الا في مجمع عندهم ناسيه اسمه شنهو
بس صراحه احسن من عندنا بكثير وعندهم نضام الفلل روعه شي حلو
هذى وجهة نظري وتقبلى عذري اذا معجبتك

أنا رأيي من رأي الاخ استغفر الله .. روحوا للبراد الطايف ومنها للباحه او ابها وغيروا جو ومناظر اما الشرقيه فحاره وماتفرق عن قطر
بس لو اجازتك قصيره فمالك غير الشرقيه .. الاحساء فيها مزارع وممكن تستأجرون مزرعه ببركه وتمضون يوم حلو فيها
بالتوفيق اختي

كلها شاليهات تسد النفس...احسنهم الصن ست والهوليدي ان