بكل تأكيد اخوي ومافيها اي كلام
السويس سافير باس راح يوفر لك الكثير
ممكن تاخذ 4 ايام
مع استغلال الباس في الأيام الأولى
قمة اليونفراو مع الباس تنمحك 25% خصم
بدل 182 فرنك تدفع بحدود 140 فرنك
بالتوفيق

aboaziz
ما شاء الله عليك اخوي الله يعطيك العافية ومشكور على الرد
انا بسكن 5 ليالي و 6 ايام فشو رايك اخذ اللي بو 8 ايام احسن عشان لو خذت بو 4 ايام كيف بالنسبة لتذكرة القطار من انترلاكن لزيوريخ المطار وقت العودة يعني كم تقريبا سعر تذكرة القطار
واذا ماعليك كلافة بغيت اعرف كم سعر السويس سافير باس لمدة 4 ايام ولمدة 8 ايام الاسعار الجديدة

راشد خميس
مثلا من زيورخ الى انترلاكن 66
طبعا ون واي درجة ثانية
اسعار الباس حاطها في الدليل و هي موجودة هنا
http://www.swisstravelsystem.ch/index.php?id=131&L=1
والفرق بسيط بيم 4 و 8 ايام (الفرق فقط بحدود 300 ريال)

مشكور اخوي على تواصلك جعله الله في ميزان حسناتك
ان شاء الله بتوكل على الله وباخذ سويس سفير باس ابو 8 ايام دام الفرق بسيط
بس الحين ابغي اسال شو بخصوص الشنط وانا طالع من زيوريخ الى انترلاكن في القطار وين احط الشنط وياي اخذها والا لها مكان خاص ؟
واللي فهمته من السويس باس انه انا لوعندي بطاقة السويس باص اروح محطة القطارات واركب القطار اللي رايح لانترلاكن دايركت واراكب واحط الشنط احجز المكان اللي ابيه بدون ماحجز لي اي تذكرة

اسعار الباس حاطها في الدليل و هي موجودة هنا
http://www.swisstravelsystem.ch/index.php?id=131&L=1
والفرق بسيط بيم 4 و 8 ايام (الفرق فقط بحدود 300 ريال)
من اسعار الدليل شفت ان السعر يساوي 199 يورو درجة ثانية لشخصين مدة 8ايام يعني مايعادل 1200 درهم صج والا انا حاسب غلط

راشد خميس
بالضبط كما ذكرت
اول مره فقط من اي محطة تعمل تفعيل للبطاقة - Valdiation
من شباك التذاكر
بعدها ولمدة 8 ايام عليك فقط اختيار ما بدا لك من القطارات
اهم شي ان تكون في الدرجة الصحيحة
بالنسبة للشنط فأنت مسؤول عن وضعهل في القطار
وعادة توجد منطقة واسعة لوضع الشنط عند مدخل كل عربة
مهم جدا جدا ان يكون معاك جدول الرحلات او يكون عندك في الهاتف او الكمبيوتر حتى تعرف ارقام القطارات ومواعيدها قبل الخروج من الفندق و معرفة اذا ماكن القطار يلزم الحجز او اذا كان يقبل الحجز او اذا كان لا داعي للحجز (3 انواع)
وتستطيع التفرقة بينهم بوجود حرف R
بالتوفيق

aboaziz
بوعزيز حبه حبه علي اخوك اول مرة يروح اوربا ويركب قطارات وابغي اعرف لوكان المكان اللي يحطون فيه الشنط زحمة وين احط الشنط
وبعدين مافهمت عليك باخر نقطة اللي كاتب فيها مهم جدا جدول الرحلات وين الاقيه
وشو قصدت باماكن القطارات يعني المحطة الشرقية والغربية في انترلاكن
والقطارات اللي تحتاج حجز مسبق حتى في شهر مايو لازم حجز وانت كاتب اقدر افرق من بينهم بحرف R للي لازم حجز والا بدون ؟
واسمحلي والله يعينك علي

راشد خميس
من ناحية ما تحصل مكان للشنط فهذي جدا صعبة
الا اذا انت ناوي تشيل شناط كثيرة
فوقتها اكيد القطار بيمشي وانت ما طلعتهم
نظام القطارات معروف كل شخص مسؤل عن شنطته
يعني انت معاك شنطتك والزوجة معاها شنطتها
وياليت تكون من النوع المتوسط ذو العجلات
وصدقني يوم تعرف انها هي بتشيل الشنطة وتسحبها راح تخففها (ومنز)جدول الرحلات بتاخذه من النت او من اول محطة توصل لها
الموضوع جدا سهل كما شرحته في التقرير المخصص
القطارات التي تشترط الحجز وقتها راح تدفع مقابل الحجز حتى لو معك سويس باس وتحتوي على حرف R عليه مربع او دائرة
القطارات التي فيها امكانية حجز يظهر جليا في خانة المعلومات للقطار في الجدول حرف R فقط
وقتها انت مخير وليس اجباري
موقع القطارات السويسرية موجود في الدليل وموجود هناك مواضيع مخصصة لهذا الموضوع مدعومة بالصور
بالتوفيق

من اسعار الدليل شفت ان السعر يساوي 199 يورو درجة ثانية لشخصين مدة 8ايام يعني مايعادل 1200 درهم صج والا انا حاسب غلط