أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
الله يوفقك ان شاء الله
بالنسبه توزيعك لأيام الرحله ممتاز
بالنسبه لكابرون اقل من 10 دقائق من زي لام سي
يعني ما تفرق بس السكن فيها ارخص واجمل من زيلامسي
وذي وجهة نظري انت لك حريه الأختيار
بالنسبه لقارمش مااني شايف ان معاك وقت كافي
وانا اشوف انها قريبه جدا من طبيعة كابرون وزيلامسي
اللي اشوفه انها تكفي
اما بخصوص القيادة لاتحرم نفسك من متعة لا توصف
خصوصا في زيلامسي القيادة فيها جميلة
شكراً لك اخوي ابو حنونه وشكراً لك ولتوجيهك ونصحك لأخووك
ما انحرم منك ووجهة نظرك محل اهتمام
اختي ومشرفتنا الغاليه الريم مشكورة على كل اللي تقدميه لأخوانك واخواتك
من نصائح وتوجيهات وارشادات،، اختي االريم بالنسبه لتوقيت السفر وش تنصحيني بوقت الجو حلو وبعيد عن زحمة موسم السفر والاسعار تكون مناسبه
والقارمن اشتريه من عندي واخزن الاحداثيات عليه وكيف اخزنها لو تدليني على موضوع يفيدني وشكراً لك واسف على الاطاله*
السلام عليكم ..
عن تجربتي .. ما اشوف ان زيلامسي تستحق 6 ايام !!
ومليانه خليجيين .. كأنك في السعودية ، وكل واحد مشغول في غيره
اسكن في كابرون ومر زيلامسي .. يكفيها يومين
وعندك الريف النمساوي جميل ..
وحنا انتقلنا من سالزبورغ لزيلامسي عن طريق المانيا .. وكانت تجربة رائعة ، ومن هناك مرينا مدينة kitzbuhel شمال غرب زيلامسي
تستحق يومين على الاقل ،،
والسيارة .. نصيحة خذ لك وحده ، ولا ماراح تشوف شي .. اصلا السفر بين المدن رحله لحالها
هذا اللي عندي في الوقت الحالي
وعلى فكره .. رسمنا لنا خطة تنقل ومشينا على أساسها ، مفيده مره
ولا تنسى ال GPS حتى لو بدون سيارة ، ولا بتضيع
تعبتك ام سوسو بالنسبه للسيارة من تجربتكم كيف الوضع
يعني بصراحه انا متردد لكن ابتوكل على الله واخذ شوركم
وبالنسبه للقارمن من وين اخذتوه وكيف حددتو الاحداثيات وشكراً
الريف انا ما سكنت فيه سكنا في زيلامسي .. وكل يوم رحله للريف او للزحليقه او الجبل بس كان الريف امتع تجربه تعرفنا على عائله يالله تفاهمنا معهم ، وخذنا منهم عسل وصورنا معهم ، بس كانوا لطيفين جداً وكل النمساويين شعب مؤدب وخدوم ، إلا حقين المدن مثل فيينا ، مب ودودين ،، يعني خذ لك يوم رحله للغرب ، ومر kitzbuhel *وان كانها أعجبتك زرها مره ثانيه ( أنا عن نفسي عشقت هالقرية وسالزبورغ والباقي عادي) ومره شمال غرب نسير فيها على جنوب المانيا ( كأنك رايح من الرياض للدمام .. ماتدري الا اذا شفت اعلام المانيا) عندك البحيرات ممكن تزورها .. بس ما فيها زود ، تكفيك بحيرة زيلامسي الرائعة .. بس العرب مخربينها مره وبالنسبة للإحداثيات ، انا أخذتها من هنا من المنتدى .. وبعض الاشياء الواضحة خذتها من الويكيبيديا او قوقل ماب ورسمت جدول فيه : المكان - الإحداثيات - وسيلة التنقل - الوقت المحدد وكان الجدول مفيد جداً ، مايضيع الوقت في وين نروح ووين نجي ، يصير عندك الخيار موجود وممكن تغيره في اي وقت اما السيارة ، تجربة تستحق الإعادة والتكرار بالعربي : اذا ماخذت سيارة ، تراك مازرت النمسا ، توكل على الله وخذ سيارة في سالزبورغ ووسع صدرك فيها .. خصوصية ، تشوف كل النمسا عن قرب ، وتشوف اهلها الحقيقيين ، وتروح وين ماتبي ، وممكن تغير وجهتك في لحظة .. انا زوجي كان متخوف من التجربة مره ، بس ساعتين وصار زيه زي اي واحد نمساوي ، وبعدين الشارع يساعدك مره ، كل شي موضح على الزفلت ، خطوط واسهم ونقط ،، والقارمن شرينا واحد اسمه نوفي nuvi اتوقع كذا ، حلو مره وفيه كل الطرق وواضح .. الله ييسر امرك وحياك اي وقت ..
الله يعافيك وما انحرم منك اختي ام سوسو والله طمنتيني كثير من ناحية موضوع السيارة
انا ياام سوسو تخطيطي فيينا بالمترو والقطار وبعدين على زيلامسي ومن هناك قالوا
روح لقريه المانية اسمها فريلايسينق. وخذ السيارة من هناك فا مدري ام سوسو
عندك خلفية عن هالنقطة ومن وين اخذتوا السيارة وكم جلست معاكم وطريقة حجزكم لها
ووين سلمتوها ،، وبعدين ام سوسو ترى اول مره يسافر ومعي المدام الله يخليها لي
لو تفيديني في كل شي الفنادق اللي جربتيها الاماكن السلبيات الايجابيات لرحلتكم
والله طولتعليك اختي لكن تحمليني وبعد التكاليف لرحلتكم بالتسوق يعني ام سوسو
اختصار لرحلتكم لانها والله بتفيدني كثير اخيراً اشكر من كل قلبي يااختي الغاليه*
حياك اخوي ،، تخطيطك سليم جداً ، والسيارة خذناها من المطار اللي في سالزبورغ .. يعني حجزنا سيارة من شركة sixt عن طريق النت ، واستلمناها في مطار سالزبورغ ،، خذناها لمدة 4 أيام في العقد ، ويوم أعجبنا الوضع زدنا يوم (دقينا عليهم وقالوا ما فيه مشكلة ، إذا سلمت السيارة تدفع حق اليوم) وسلم السيارة في مكتب sixt في فيينا .. ( والله ما ادري وين بالضبط ، بس اكتب sixt في القارمن ويطلع لك مكاتبهم ، شف اقرب واحد وسلمها عنده ) بالنسبة للفنادق : فينا : ليلة في best western 4 نجوم سالزبورغ : 3 ليالي في sheraton 5 نجوم زيلامسي : 4 ليالي في grand 5 نجوم فينا : ليلة في radisson blue 5 نجوم كلها كانت تجربتي فيها رائعة ،، خاصة الشيراتون الايجابيات : راحة نفسيه - تقارب - طبيعة تنعش القلب - تعيش حياة الاحترام والرقي (مع ان الشعب مب ذاك التطور)* السلبيات : صراحه ما اذكر شي سلبي ، يمكن لأني كنت ناويه استمتع بكل لحظه .. اللهم كثرة الخليجيين والعرب ، المشكلة ما تكمن في وجودهم ، مشكلتهم ينشغلون في الناس ، وكل واحد يناظر الثاني لا يصير يعرفه .. ويوم الأحد .. اتركه للتنقل ، مافيه اي فعاليات كل شي مسكر ، بس بقالات المحطات هي اللي فاتحه انا ما اقدر اوصف الوضع بالنسبة لراحة البال ، بس اذا رحت هناك بتشوف الامور سالكه وترتاح .. النمسا مب كبيره .. وممكن تمر المكان كذا مره على طريقك .. وبالنسبة للمدام ، كل الشعب محترم ، ويحترم حجابنا ، صحيح بعض الكبار في السن يطالعوني ، بس ما حسيت هالشي مضايقني أبدا ، بالعكس والله زادني عزه ،، اما التكلفة الكلية مع التذاكر والفنادق والتسوق (مرهين على انفسنا شوي) تقريبا : 32 الف ريال وكان من الممكن تكون اقل لو خذنا الغرفة في كابرون بدل زيلامسي ، وخذنا شي اقل من الشيراتون ،، بانتظار اي سؤال اخر ،، بالتوفيق
بالنسبه توزيعك لأيام الرحله ممتاز
بالنسبه لكابرون اقل من 10 دقائق من زي لام سي
يعني ما تفرق بس السكن فيها ارخص واجمل من زيلامسي
وذي وجهة نظري انت لك حريه الأختيار
بالنسبه لقارمش مااني شايف ان معاك وقت كافي
وانا اشوف انها قريبه جدا من طبيعة كابرون وزيلامسي
اللي اشوفه انها تكفي
اما بخصوص القيادة لاتحرم نفسك من متعة لا توصف
خصوصا في زيلامسي القيادة فيها جميلة