وللضيف مفتوحة منازلنا
لحن وغناء وديع الصافي
كلمات : عبد الجليل وهبي
للضيف مفتوحة منازلنا
عالكون مضويي مشاعلنا
وعيوننا للحب سهرانين
وقلوبنا إلنا ومش إلنا
البحر يروي للسما حكايات
حكايات فيها للهوى آيات
عاصخورنا تتكسّر الموجات
تترك دررها عاسواحلنا
الشمس مهما دارت الأيام
بتفيق خلف جبالنا وبتنام
بتنام عاموسيقة الأنغام
وبتفيق عارنّة معاولنا
موّال عتابا: يا قاصدنا وبكف الليل حنا
فرشنالك طريقك زهر حنا
كرامه لعيون الضيف حنا
بنينا بيوتنا من غير بواب
مهما العوازل لوّعو المسكين جارو علينا
وسهرونا سنين بالتسامح والوفا واللين
بالحلم منأدّب عوازلنا
البواب
غناء فيروز - لحن: فليمون وهبة - كلمات: جوزف حرب
على باب منوقف تنودع الأحباب
نغمرهن و تولع ايدينا بالعذاب
و بواب بواب شي غرب شي صحاب
شي مسكر وناطر تيرجعوا الغياب
أه البواب
وقت اللي بلوحلك و بسكر الباب
بياخدني الحنين
بفكر رح اشتقلك بفكر عا هالباب
رح انطر سنين
أه يا باب المحفور عمري فيك
رح انطر و سميك باب العذاب
في باب غرقان بريحة الياسمين
في باب مشتاق في باب حزين
في باب مهجور أهلو منسيين
هالأرض كلا بيوت يا رب خليها مزيني ببواب
و لا يحزن و لا بيت و لا يتسكر باب
