الدمام والخبر مايتفوتون
ومابينهم شي ثلث ساعه نص ساعه بالكثير
بالنسبه للطريق اعتقد يصير معك جارمن افضل والا بتضيعين
طبعا فيها شاليهات وفيها كورنيش ومجمعات وفنادق واللي تبين
شاليهات نصف القمر عندك الهوليدي ان والنخيل وغيرها كثير

هلا أختي ليش الأحباط مامعكم قارمن تكتبون وتمشون ههه المهم جسر البحرين يعتبر بوسط الخبر وينكم وين الصناعية الخبر واضحة وحلوة المجمعات الراشد والظهران الواجهة البحرية كل شي عندها مطاعم مقاهي وبعض الفنادق
منطقة العليا عند مجمع الراشد كلها شقق وكلها حلوة وحسب السعر اللي تبين
الدمام ماالومكم كبيرة ونادر ماأدل فيها الا منطقة الكورنيش فيها كل شي بس إن شاء الله زوجك الغالي بيرجعك وتنبسطون ودائما استعينوا بالجارمن والحمدلله على سلامتكم

تسلمون على الرد
أبو الحلوين ما قصرت ولكن سؤالي يعني مادري شو اللوحة اللي بنحصلها عشان نطلع على كورنيش الدمام يعني اي مخرج
وهل المجمعات بتكون على الشارع الرئيسي
احنا مارحنا الدماما من صوب الحساء رحنا من الخط الجديد

الأخت عذايب قطر
الله يحيكم بين أهلكم وناسكم ..
وبالنسبة للدمام كبيره ، وراح تضيعين فيها اذا ما تدلين فيها زين.
والخبر أصغر مساحه وملمومه على بعضها.
وهنا وصف بأسهل الطرق ، وأن شاء الله يفيدكم :
وانتي جايه من قطر ودخلتو الأحساء ، أمسكو خط الدمام السريع ، وخلو وجهتكم سيده لا تلفون يمين ولا يسار أبداً ، بتشوفو لوحة مكتوب عليها ميناء الملك عبدالعزيز ، خليكم معه امشو سيده على طول لحد ما يجيكم كوبري الميناء لا تدخلون الميناء فيه قبله كوبري تطلعون فوقه ، اذا تبون الخبر لفو يمين ، واذا بغيتو الدمام لفو يسار.
اذا لفيتو يمين بتمشون سيده على طول بتجيكم اشاره ثم بعدها اشاره ثم بعدها اشاره ثم بعدها يجيكم دوار ، مع الدوار تآخذو يمين ، تدخلون على طول كورنيش الخبر ، وبنهايته يجيكم فندق مريديان علة يمينكم.
اذا لفيتو يسار تمشون سيده لحد ما تجيكم أول لفة يمين قبل الأشاره ، تلفون من عندها وتمشون سيده على طول انتو الحين بتكون في كورنيش الدمام.
وبالتوفيق أن شاء الله

يالطيب
احنا ما دلخنا الحساء خذنا الجسر الأول يمين وكملنا سيدة المهم وصلنا طريق الدمام السريع بمساعدة الشرطة
خط حلو و فيه كمن تحويله
اول مره انروح هالخط
بس الله يهديهم دخلونا ع الاسواق الشعبية والصناعية واحنا بغينا البحر المراكز مثل ماكنت اسمع عنها
والله راسي دار ان شاءالله مر هثانية بندل عدل
بس زوجي مشكلته مايدل خير شر انا وايد احسن منه.
انا مصرة انروح مره ثانية واشوف الدمام والخبر اللي اسمع عنها
ان شاءالله ادل
للاسف زوجي ما يعرف احد في السعودية وله كان مشى جدامنا مثل ما سوينا لما رحنا عمان

وأنا بعد جاي للخبر أيام العيد وبصحبتي 3 عوائل
ومحتاجين فزعة أهل الخبر بخصوص حجز الشقق
أختي الكريمة الغالية عذايب
وش رأيكم تغيرون الوجهه إلى الرياض عشان ما تضيعون
وأبشروا والله محفولين مكفولين
عين فراش وعين غطى وأنا ولد أبوي
الله يحييك أنت وعائلتك الكريمة في الرياض الحبيبة
مع انها امس واليوم غبار
بس ما عليها برضوا حبيبة

ههه
اكيد ماعندي شك في هالشي
الرياض بعيدة اشوي
يعني الخبر والدمام كفايه حق يومين بالكثير
وماتقصر يالصديق
المشكلة ما اظن انكم فهمتوا اي طريق رحنا
ان شاءالله بدل وبدليكم بعدين
خ
درب السلامة ان شاءالله يا ولد ابوك الغالي
تحياتي لك

اوكي براحتكم
وربي يحفظكم وين ما تروحون
ويجعل رحلتكم فل الفل من الوناسه
بس أمانه وخيتي الغالية
إذا فكرتوا تزورون الرياض
أخوك محمد التميمي يتشرف بخدمتكم
ولا تشيلون هم أي شي
حتى لو نسكنكم في بيوتنا
وفمان الله

ان شاءالله بس حزتها وين بنلاقيك يالتميمي
بنشوف يمكن ناخذ كم يوم ونحول ع الرياض
الحين سؤالي للي في الدمام والخبر هل الشارع الرئيسي لذا خلصناه بنلاقي المجمعات وبيودينا ع الكورنيش وله اشلون.
والرياض حلوه واكيد بنمرها
ايام كنا انسروح مكه كنا نسكن فيها بس ادوارة وحواطه لا
عاد اذا نوينا ع الرياض هل بنحصلك ..
تحياتي لك