وعليكم السلام ورحمة الله وبركاته
بالنسبه للمترجمه تقدرين تتفقين مع مكتب سياحي واكيد ان شاء الله راح يوفرلك مترجمه
ومن وجهة نظري ماراح تحتاجون لمترجم حتى لو كانت لغتك بسيطه جدا...
واذا كنت مصره على المترجمه من رأيي يكون السواق مترجم بنفس الوقت...
والسواق متوفر عند اغلب المكاتب السياحيه
يعني اطلبي من المكتب السياحي سواق عربي...
وعموما هذا رقم سواق مصري وصلني للمطار وعنده استعداد يوفر لكم سياره واخلاقه ممتازه
2وليد (مصري)
وعموما لاتأمنون اي احد وانتبهوا على كل حال
وبالنسبه للهيلتون بارك لين (عن تجربه شخصيه) فندق جدا ممتاز من جميع النواحي وخصوصا الموقع والهيلتون مليان سويتات وكل ماصار السويت اكبر كل ماصار اغلى.
وهذي بعض الصور عن هيلتون بارك لين

واي خدمة ثانيه انا جاهز

اختي الله يوفقكم..
بس ما انصح ابداً ان بنات يسافرن رواحهن... الله يحفظكم

معليش خاشة عرض..بس بما ان الحديث عن الهلتون..
ممكن اعرف رايكم بHilton London Euston..لو تكرمتوا؟
شكرا

بصراحة اتمني لكم سفرة موفقة
الاخ رد عليك واعطاك الي تبينة وانشالله تتوفقون في رحلتكم
ودي اساعدك بس الائلية ماعرف لها اجابة
بس تبون الجد ...........اذا انتوا خليجيات بقولكم كم شئ بسيط وتافة بس انتبهوا لة :
1---- مالة داعي ساعات الرولكس والاوميغا والذهب الي يملي اليدين عشان محد ينتبة لكم
2----طلعات باليل مافي اقبضوا ارضكم من تبدا الشمس تصير حمراء
3---لا تامنون حد يعني حد لسانة حلو سواء سواق او غيرة مترجمة او اي شئ
4--صح تذكرت شناط شانيل ولويس فتون لا تستعملونها
5- الجوال باليد 24 ساعة مالة داعي
كل هالاحتياطات عشان محد ينتبة لكم وتعرضون لسرقة
ولله شفت ناس تقولون يا جماعة الخير كانهم في بلدهم ............الواحد ينتبة شوي
ورحلة موفقة يا اختي واتمني لك اجازة سعيدة

FaHwDy
الله يجزاك كل خير يافهودي ويعطيك العافيه على سرعة ردك واهتمامك
بس ايش تنصحني يلهيلتون بارك ولا ماريوت الجديد ؟؟؟؟؟
والله ماقصرت اخوي الله يخليك لعين ترجيك

A-Saeed
اخوي الله يحفظك محنا لحالنا معانا اهلنا الله يسعدك
وشكرا على اهتمامك

amore187
شكرا على النصايح الحلوه وراح احطها بعين الاعتبار

بالنسبة للماريوت ماعندي اي خبر بصراحه
ومن وجهة نظري الهيلون بارك لين توب وكلامي عن تجربه
وانا ان شاء الله بروح لندن قريب وماراح اسكن الا بالهيلتون بارك لين او جروسفينور هاوس لانها من رأيي الافضل ...
واي استفسار ثاني انا جاهز

FaHwDy
اشكرك جزيل الشكر
الله يسعدك يارب طيب بلنسبه جروسفينور هاوس ---عباره عن ايش شقق ولا ايش ؟
وهل تصلح لعوايل وكيفها من ناحية النظافه والفخامه ؟؟؟ ويليت اذا فيه صور الله يسعدك ؟؟
والهلتون اخوي هل هو قريب من الاسواق ؟؟ اقدرر اروح مشي للسوق ؟؟
والله عاجزه عن شكرك بس والله راح ادعلي لك في ظهرك واسفه على الاطاله