الرياض المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في الرياض

ابغى مساعدة

ثرى ..

01-11-2022 - 09:29 am

مسا الخير على الجميع ..
جايه الرياض بعد يومين وراح اجلس يوم واحد وناويه اروح اتسوق وميزانيتي محدوده جدا
وابغى لاهنتوا اي مول اروح له يكون فيه الملابس ماهي غالية زي الماركات
يعني ابغى بلايز تكون مشجرة وحلوه وتنانير وشلات وبناطيل وشنط واكسسوارات وزي كذا
ابغى اشياء حلوة وماهي غالية
فيه مكان اروح له واحصل فيه اللي ابغاه ..
شكرا لكم مقدما ..

التعليقات (8)

برد اليقين

01-11-2022 - 12:39 pm

يعني تبين الاسواق الشعبيه ؟
عندك طيبه والعويس والاندلس

ثرى ..

01-11-2022 - 01:40 pm

برد اليقين ..
الف شكر لك ..
يعني احصل فيها مثلا تقليد ماركات ..
وايش رأيك بالمجد وخريص ..

ثرى ..

01-11-2022 - 03:43 pm

عاشقهم مجننهم ..
الف شكر لك ..

العالم

01-11-2022 - 04:44 pm

عندك سوق القرية الشعبية غرب الرياض
سوق شعبي كبير و مفتوح و أسعاره معقولة

@@شذى الرياض@@

01-11-2022 - 05:45 pm

عندك اختي افضل سوق شعبي اشيقر والمعقليه
مره رخيصه وعندهم اشياء حلوه ارخص من الاندلس والمجد
عندك شارع المرقب في البطحاء محلات على اليمين واليسار كلها اكسسوارات وشنط وساعات مره رخيصه فيه جمله لوتبين هداياوفيه بالحبه

وفاااء

01-11-2022 - 06:46 pm

انا اشوف ان المجد حلو وفيه تقليد الماركات
طيبه شوي غالي

ثلجة من جبال الألب

01-11-2022 - 07:47 pm

روحي ستي ماكس وسنتر بوينت بطريق الملك عبدالله هالايام عندهم خصومات
واذا تبين عطورات رخيصه روحي شارع السويلم بجنب المعيقليه بس طبعآ ما اظمن لك جودتها وماجربتها بس اسمع فيها
بالتوفيق

ثرى ..

01-11-2022 - 08:48 pm

العالم
@@شذى الرياض@@
فاء
ثلجة من جبال الألب
شاكرة لكم جميعا ..