اخي الغالي..اعذرني لا استطيع الاجابه على استفسارك بشكل دقيق بحكم انني لم اذهب لهذه الدول من قبل ولا اعلم عنها ولكنني سالت ااحد زملائي اللذي سبق له الذهاب الى اوروبا و المكووث فيها لمدة شهر كامل بدون ان يحجز لاكثر من ليله وحده وكانت كا التالي

• *نزل مطار ميونخ واستاجر سياره ونام ليله بميونخ بفندق حاجزه من السعوديه وبعدها دخل النمسا ويلفلف وكل ماعجبه مكان جلس فيه ليله او ليلتين ويسكن سواءا بموتيلات او بيوت ريفيه المنتشره على الطرق او بيوت تاجر من قبل اصحابها وهي كثيره خصوصا با النمسا وبا الارياف خصوصا..طبعا الرجال راح خمس دول اوروبيه وهو ماعنده حجز للفنادق ولا يعرف شي مغير يدربي راسه مع الجارمن ويوديه واذا جاء الليل وهو يلف وتعب وبغى ينام صفط عند اقرب موتيل او بيت للتأجير زي ماتفضلت مكتوب عليها فري (معناها باسعار رمزيه ورخيصه مقارنة باسعار اوروبا) ونام وكمل طريقه اليوم الثاني

اتمنى انى افدتك ولو قليلا بما اعرف كمعلومه وليس كتجربه....با التوفيق

مرحبا اخوي ، انا مثلك بعدني ماسرت بس اقدر افيدك من خلال المعلومات ومساعدة الاخوان اصحاب
الخبره صارت عندي والحمدالله معلومات طيبه اقدر افيدك فيها العاصمه طبعا تحتاج حجز عن طريق مكتب او
موقع مشهود له اما المناطق الريفيه فهي متوفره فيها بكثره وابحث عن كلمة (( zemir )) على الابواب او
في حل ثاني وانا افضل هالحل على طول اسئل عن مكتب الانفورميشن المعلومات وبتلقى عليه اشارة
تعجب !! سير عندهم واطلب اللي تطلبه بيعطونك عنواين دخل ارقام العنواين بالجهاز اللي عندك غمض
عينك وبرق انت واقف امام الشقه المطلوبه واتمنى اني قدرت افيدك ورحله سعيده ان شاء الله

هيمان سفر
السلام عليكم
كانت هذى طريقتى الصيف الى طاف بنسبه لسكن فى النمسا ( شقق ) اما بنسبه للفنادق الى يكثر فيها العرب فلازم تحجز مسبق من بلدك افضل لك بكثير لانك ماراح تلاقى حجز عن طريقهم مباشره معا فائق الاحترام

jemi_soul
هلا والله بجيمي اخونا اللي من مده مامر عالبوابه وينك مختفي كل هالمده انا واحد كنت من متابعينك
وتعجبني ردودك ، الحمدالله اننا تطمنا عليك ، مافهمت قصدك الشيخ هل تقصد الفنادق الريفيه اللي اياجرها
اصحاب البيت في زلامسي وكابرون وسيفيلد وولف غانغ !!!! قول غيرها ياريال ولا تقصد فنادق العاصمه اذا
فنادق العاصمه بالسيره والجيه لا بتكون عن طريق حجز مسبق اما مابين الحجزين بتكون بالتنقل
والاستفسار عن طريق مكاتب المعلومات بالقرى ؛ ارجوك فهمني انت شو تقصد ارنب قام يلعب في عبي
]

الله يعطيكم العافيه على تفاعلكم معي بالموضوع ومو غريب على اعضاء المنتدى الجبار .....
الى انا افكر فيه ياشباب اني اول يومين بستاجر فندق بفينا واخر يومين بميونخ من هنا.
بس عندي فتره 10 ايام بين القدوم والمغادره ابي اركب السياره واتجول بين الارياف خصوصا حول سالزبورغ وزيلامس لانو بصراحه احس الفنادق فيها حكره شوي وتبي التزام يعني اذا مليت من ديره ماتغيره......
بعدين مو لازم استاجر من مكتب او غيره المهم المكان مرتب وسعره كويس....

خالد خليفه
وهذا اللي انا بسويه يومين اول ما اوصل ويومين قبل الرجعه بس هاه من الافضل ان تاخذ عناوين يعني
اتنزل من الغوغل اسامي وعناوين شقق في سالسبورغ والمناطق الجريبه منها صار ماصار عندك عنواين
ثانيه

السلام عليكم
يا مرحبا بخوى هيمان سفر
انا اقصد الفنادق 5 نجوم بالعواصم الى تبى لها حجز مسبق لضغط عليها وخصوصا الى يروح لها العرب بستمرار ولا فى فنادق ما يجيها عرب تلاقى فيها حجز... ممكن لكن انا صرت احجز شقق وبنسيون على الطريق وفى القرى الجميله من مركز المعلومات او عن طريق صاحب المنزل مباشره اذا هو حاط علم للاجار وصدقنى السكن كثير جدا جدا لا تحاتى متروسه شقق اهل النمسا بالصيف تلاقيهم كلهم يبون ياجرون شققهم للسياح هذا موسم عندهم ...
اى سؤال ترانى بالخدمه حاضرين لك وللطيبين بعد

حبيب قلبي ابو خلود والله انك مانتب سهل يالذيب تراك دخلتها براسي فكرت السياره وانا ان شاء الله ابستاجرها ولا تدري ابشحن الباترول حقي هناك خله يلعب لعب بدال ماهو مقطع الصمان بين الغبرات والحر خله ينبسط هناك بس......هه
اقول انا ان شاء الله ابروح قبلك الشهر الجاي وابعلمك عن كل شي ان شاء الله لاكن الصراحه اذا ضيعت ابنام بالسياره وش اسوي الشكوى لله والله من قولت ضيع ..ماعلينا
اتوقع انها تبي تمشي الامور ان شاء الله واول ماحس اني طفرت ابرجع على طول الشكوى لله ....
يازين تايلاند يبو خلود بس ,,,,,,,, سلام Adel

jemi_soul
طمنتني الله ايطمنك ويريح بالك والله كنت احاتي اوصل من فيينا 400 كيلو وكل مكان ايقولي فل والاهل
مب عايبتنهم الفكره الصراحه انا ابي اخلي سالزبورغ بالرده مابي احرق كرتها فافضلت اخليها وانا راجع انا
مب مهم اسكن على البحيره والله منظر على مجرى نهر او جبل كم يسوى شاكر وممنون لك يالغالي
ولك منى اطيب تحيه