أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
شوفي أختي عندنا بالمنتدى خبيرة صالونات اسمها كراميلا باديكير ومانكير واللزي منه هي اللي ممكن تفيدج بهذا الخصوص أنتظري عليها هي ما تطلع إلا بالليل ما أدري شسالفتها
وينج يا كراميلا البنت ناطرة الرد
حتشبسوت الله يسعدكم يا حتشبسوت وام البنية والله اني ضحكت من قلبي لمن قرأت ردودكم
بس اليوم دخلت بدري شوي وخيبت ظنكم
سر دخولي في الليل لاني معلمة يعني ارجع من الدوام اجري على المطبخ عشان اطبخ الغذاء:1076: وبعدين اشوف البيت واشيك على الشغالة ايش سوت من مصايب وبعدين اشوف بنتي....اذاكر لها دروسها واجلس معاها وبعد المغرب يبدأ عندنا حفلة الاستعداد للنوم ..تستحم وتتعشى وتصلي العشاء وتدخل تنام:hypocrite ....يعني ما اكون فاضية الا بعد صلاة العشاء....بس اليوم اربعاء يختلف روتين الاسبوع شوي
المهم ما علينا ........... خلينا في المهم.......
شوفي حبيبتي في القاهرة راح تلقين في كل شارع 50 صالون تجميل وكلهم يكتبون على لوحة المحل يوجد قسم للمحجبات...وعادة يكون جزء صغير من المحل منعزل بستارة...... وعموما في القاهرة كل الصوالين شاطرين في الاستشوار والفتلة والحلاوة بس لكن الشغلات الثانية مثل البديكير والمكياج نادرا ما تلاقي صالون ممتاز فيها اما بخصوص الصبغات والقص فالكوافير الرجالي يكون دائما افضل لان الحريم ما يفلحون فيها وبما انك تسألي عن صالون متحجبات قريب من ميدان لبنان......انا جربت صالون تويست في شارع البطل احمد عبدالعزيز متفرع من شارع جامعة الدول العربية جنب كنتاكي وتكا والصمدي.........صالون نظيف وسمعته معروفة وكثير خليجيات تلاقينهم هناك اما الصالون الثاني فهو بيوتي سنتر - المركز اللبناني للتجميل وصاحبته اسمها رهام في شارع شهاب ...تدخلي من شارع جامعة الدول العربية لشارع شهاب يمين ....يكون مطعم جاد على يسارك ...تمشي على طول وتطالعي يمينك على العماير اعتقد انها 3 او 4 عمارة...حتلاقي لوحة كبيرة مكتوب عليها الاسم هذا الصالون رائع ....عندهم بنات ممتازات في كل شئ انا دائما اروح لهم واسعارهم معقولة بس لازم تفاصلينهم شوي لا يضحكون عليكي وهذا اقرب لك من تويست .جربيهم الاثنين واختاري واحد فيهم ...واي خدمة انا حاضرة
شاهين
خير ان شاء الله يا اخ شاهين ليش داش الموضوع؟؟؟؟؟؟؟؟ الموضوع يهمك في ايش؟؟؟؟؟؟ لا وكمان مطلوبة عاجلا
ترى ما دام انا وام البنية وحتشبسوت دخلنا الموضوع يصير راح نقلبه سوالف وحكي نسوان
وينج يا كراميلا البنت ناطرة الرد