بنت المنهالي
07-10-2022 - 06:38 pm
السلام عليكم ورحمة الله وبركاته ..
اشحالكم يا اعضاء المنتدى انا عضوة يديده عليكم واتمنى اكون عند حسن ظنكم
اولا :- انا ناويه اسافر النمسا بشهر 6 وما اعرف كيف ارتب مخططي واللي عنده الخبره يساعدني
واول مرة اسافر لدول اوروبا يعني ابا منكم تخبروني كل شي بتفصيل الممل
واللي ابا اعرفه عن ( الفيزا , حجز الفنادق او الشقق الفندقيه , طرق المواصلات الاماكن السياحه وكم عدد الايام اللي تستاهل الواحد يقعد فيها ,, واللي يعرف اي شي انا نسيته ياليت يفيدنا )
عدد الاشخاص =2 (انا وزوجي )
مدة الرحله = اسبوعين وتبدأ من 5/6/2010
الميزانيه = 30,000 تقريبا
الرحله بتكون عن طريق طيران الاتحاد لاني من ابوظبي ,, وليت تخبروني العمله بالدرهم عشان اعرف ..
وللعلم انا حامل هل هالشي بيخرب علينا الرحله والا عادي
اولا انتي بأي شهر من الحمل ؟؟ الله يسهل عليج ... ويرزقج بالذريه الصالحه .. لان مهم انج تسئلين الدكتوره المختصه .. لان بعض الاماكن السياحيه المشهوره والثلوج كجبال كابرون يسبب لج ظغط قد يكون مضر لج وللجنين وكذالك بعض التنقلات .. فرأيي قبل كل شيئ سؤال الطبيب المختص .. واحنا حاضرين
لكن عموما الميزانيه جيده جدا ولو احببتم تسكنون بفنادق 5 نجوم قد تزيد الميزانيه ..
المخطط الافضل
الوصول الى فينا ثم سالزبورخ ثم زيلامسي ثم النهايه ميونخ والعوده منها ..
شوفي بعض التقارير ببوابة تقارير النمسا .. وبعده ابشري بكل شيئ
تحياتي