هلا فيك ..
صراحه انا احترت معاك ..
بقوله عن مجموعه وانت اختار منهم ..
1- مطعم التسيمو .. والهدف منه الرقي في التقديم بس اسعاره غاليه
واختنا المرام مسويه موضوع عنه ..
2- مطعم الطربوش .. في فندق الشيراتون
3- مطعم فندق فور بوينت في الشيراتون البرج اليديد اللي يطل على دوار الشيرتون
وقت العشى يكون روعه .. مره تعشيت هناك وهو نظام بوفيه
هذا رايي

عندك مطعم التايلندي اذا انت من محبين النوع هذا في منتجع الهيلتون المنقف روعه المكان
في كذلك المطعم الايطالي في الشيراتون جدا راقي وهادي بس عاد غالي
التاسيمو جدا حلو واكله كذلك وقعدته حلوه
بالتوفيق

الله يخليكم لبعض ..
برأيي انك تأخذها لاحد مطاعم الافنيوز الحلوه و بعدين تدخلون سينما ...
مطاعم الافنيوز كثيره .. منها : نينو و جوني كارينوز .. و شوف المطاعم الجديده مثل رايس يمدحونه لكني ما جربته
و بعدين تحلون ب شوكليت بار بعدين السينما
اقتراح ثاني .... اخذها على مطعم يطل على البحر بعدين تمشوا على البحر .. اذا الجو زين
مثلا لونوتر روعه و رومانسي او جوني كارينوز او المطاعم اللي فتحت جديده عند الابراج ما جربتهم
ولا تنسى توصي المطعم على كيكه

الله يوفقكم يارب انا ازيد على المشاركات انك اتحجز بفندق ليله واتعشى بفندق ثانى وجذيه انت غيرت جو واتفاجئ المدام وكل عام واتنو بالف خير وللجميع كل خير وتقبلوا تحياتى

احلى كيميائية احترم رايج وشاكر لج اختيارج الراقي الحقيقة طاحت عيني على مطعم فندق فور بوينت في الشيراتون البرج اليديد وخاصة انج قلتي وقت العشا يكون روعة بس نسيت اقول ان المدام نباتية وتعشق الباستا يعني ماراح تاكل شي من البوفيه للاسف:36_1_51:

travel star الحقيقة افكر بجدية في اختيارك الثاني المطعم الايطالي وخصوصا اذا كانوا الجماعة محترفين باستا . مثل ما قلتكم سابقا اختيار ام عبدالله المفضل .. شاكر لك مرورك
اخوي ترفل ستار

اختي المرام مشكورة على الدعوة الطيبة اولا
بالنسبة للمول انا ما افضل اروحله ابي اكسر روتين المولات وبعدين المولات شوي صجة ولجة مثل ما تعرفين
اما بالنسبة للاقتراح الثاني فانا ايده وبشدة وخاصة اني مريت على تقريرج الرايع واعجبني المطعم واتوقع عندهم باستا طبعا لام عبدالله لكن كل من راح على مطعم اللونوتر قال انه الريوق عندهم موطبيعي فعشان جذيه راح اخليه خياري للريوق ان شاء الله تحياتي لج ولتقريرج المميز ومرورج الكريم

قتراحي مطلعم ماكي وايد عجيب الي على البحر ويطل على فندق المارينا
وصاير داخل البحر شوي قعدته وايد مريحه
بس اذا تحب الكل الياباني
اطلب تبن ياكي حلو عندهم
او روح برج النصار في شارع الجهرا ورا فندق الشرتون درو 32 مطعم ايطالي اطلالته وايد حلو وحده راقي واكله حلو بعد
والله يسهل اموركم

اخوي كويت كويت اولا شاكرك دعوتك الطيبة واقول وانت كذلك الله يوفقك ... الصراحة اقتراحك اكثر من رايع لذلك بعد هالردود الرائعة من الاخوان الطيبين قررت برنامجي يكون كالاتي
العشا - مطعم التسيمو .. او المطعم الايطالي في الشيراتون
ليلة بفندق المارينا
ريوق في اللونوتر
مع هدية راقية :smile106:
اخوي كويت كويت شاكرلك مرورك وتفاعلك مع الموضوع وعساك عالقوة :x1: