هلا اخوي
تاخذ القطار من المحطة اللي بالمطار ، يوديك لمحطة بادينقتون وهناك تغير القطار وتاخذ القطار اللي يوديك برمنجهام
الرحلة كاملة تستغرق 2:50 ساعتين وخمسين دقيقة ويكلفك تقريبا 45 باوند
أو تاخذ باص ناشونال اكسبرس من نفس المطار ، يوديك مباشرة لبرمنجهام ، وتستغرق الرحلة 2:50 ساعتين وخمسين دقيقة أيضا ، والتكلفة 30 باوند
اوصل بالسلامة وبالتوفيق

ناعوس مشكور :36_3_15:
ياعمري عالرد السريع. ممكن أن كان في معلومات عن هالمدينه
ومنكم نستفيد :gathering :suprise: ما نستغني
من مساعدتكم

شف اخوي الغالي
برمنجهام مدينة جميلة وتفتح النفس
إذا فعلا تبغى تنبسط وتسوي حاجة ما تنساها طول عمرك ( بس يفضل ما تكون لحالك ، معك العائلة ، أو بعض الأصدقاء )
تدري ويش تسوي ؟ توقع
لا تستاجر فندق ولا حاجة . معليش صبرك علي شوي ما راح تنام بالشارع لا تخاف .
روح لسنتر المدينة واستأجر يخت صغير ( مكون من غرفة نوم ، وصالة جلوس ، ومطبخ ، ودورة مياه متكاملة ، مع المستلزمات الأخرى التلفزيون والكهرباء وغيرها ، وبلكونة خارجية ) ناقص شي يا ترى ؟ ما أعتقد .
اليخت هذا ما يكلف كثير ، وميزته اللي ما راح تتوقعها انك تتمشى فيه على كيفك داخل بيرمنجهام وخارجها ، توقف وين ما تبي ، يعني تتمشى في قنوات برمنجهام وتلف المدينة على كيفك وتطلع للريف تتفسح وتبعد عن ضوضاء المدينة وأنت جالسك في بيتك المتنقل .
لا تخاف اخوي القنوات كاملة يصل طولها تقريبا ( 2500 ميل ) طبعا ما غلطت بالرقم ، يعني تقدر تروح لندن باليخت هذا وتروح لغيرها . راح يعطونك خريطة فيها تفاصيل كاملة .
أتمنى تسويها أخوي الغالي وتنقل لنا مشاعرك وتقييمك للتجربة .
هذا أفضل برنامج ممكن أقترحه لك.
تذكرما راح تحتاج لا تاكسي ، ولا باص ، ولا قطار ولا حاجة تتمشى بيختك زي ما تبغى.
لممعلومات وتفاصيل وخرائط عن الموضوع الحلو هذا ، روح قوقل وابحث عن
Birmingham canals
Birmingham canal map
طبعا التجربة هذي ما راح تحصلها إلا في برمنجهام ، أو فينيس الإيطالية

فكرة حلوة ياناعوس وجزاك الله خير عالافادة الطيبة منك ياطيب