soso.
10-10-2022 - 11:53 pm
السلام عليكم
بعد اسبوعين تقريباً ستكون رحلتي بإذن الله الى لندن وهذه اول رحلة اوروبية لي نظمتها بنفسي ولكي لااقع بالخطأ لدي بعض الأسئلة ان تكرمتم
1) بالنسبة لخطوط الإتصال كيف ممكن اتصل بالسعودية عن طريق شريحتي العادية ولا تكون استقبال بس واخذ شريحة من هناك ووين القاها ؟ وهل يمكن استخدام النت بالجوال ؟ اذا ممكن كيف ذلك؟
2) بالنسبة للمطار كيف اروح للفندق اطلب سيارة من الفندق ولا المطار ولا تاكسي ؟ علماً بأن الفندق هو thistle marble arch
3) مثلا عندي يوم بروح الى لندن اي كيف اقدر اوصل لها من الفندق لأني كثير انحست اللي يقول باص ولازم له رقم مدري شلون اعرفه واللي يقول سيارة واللي يقول مشي
يعني كيف اقدر اتنقل هناك بشكل منظم وهل هناك وقت ويوم معين للندن اي وال river cruis ومن اين اقطع تذاكر هذين المكانين ؟
4) انا بحجز بالقطار الى ويندرمير موجود لهم موقع حجز تذاكر القطار اون لاين طيب اذا حجزت هل لازم اروح هناك واقطع تذكرة ولا يكفي عن طريق النت وهل بضيع بالمحطة خصوصاً بأرقام الأرصفة ومحطات التوقف وتغيير القطار كيف اعرف القطار اللي بنتقل منه في محطات التوقف ؟وضحوا لي الله يعافيكم لأني متخوفه من الضياع في المحطات
5) اذا وصلت ويندرمير هل سهل احصل على تاكسي للفندق ؟ علماً بأنه macdonald old
englan hotel & spa
6) فيه شيء قريت عنه هنا من خلال مشاركتكم اسمه قسيمة ضرائب المشتريات هل هي في كل محل نشتري منه ناخذ منه هالقسيمة وبعدين وش نسوي فيها وممكن لو تكرمتوا اسمها بالإنجليزي ؟
7) كيف هو الجو من وسط الى نهاية سبتمبر سواء في لندن او ويندرمير؟
اتمنى الإجابة على تساؤولاتي
واذا كان لديكم اي نصيحة او توجيه او اقتراح لزيارة مكان معين فلاتبخلوا علي به علماً بأن مدة رحلتي ستكون 11 يوماً وأود رؤية المناطق الريفية بجمال طبيعتها اكثر من المدن بإزدحامها
ولكم جزيل الشكر
بعد اسبوعين تقريباً ستكون رحلتي بإذن الله الى لندن وهذه اول رحلة اوروبية لي نظمتها بنفسي ولكي لااقع بالخطأ لدي بعض الأسئلة ان تكرمتم
1) بالنسبة لخطوط الإتصال كيف ممكن اتصل بالسعودية عن طريق شريحتي العادية ولا تكون استقبال بس واخذ شريحة من هناك ووين القاها ؟ وهل يمكن استخدام النت بالجوال ؟ اذا ممكن كيف ذلك؟
عادي حبيبتي تبين شريحتك او تشترين شريحة اوفر لك ان ااتذكر فودا فون الظاهرز طبعا يمكن انا اخذت بلاك بيري وكان شغال النت وتمام . عادي روحي لاي محل اتصالات واكيد بتحصلين في المطار وهو يفعلها لك
2) بالنسبة للمطار كيف اروح للفندق اطلب سيارة من الفندق ولا المطار ولا تاكسي ؟ علماً بأن الفندق هو thistle marble arch
اما انك تتعاقدين مع شركة alpha
وهي شركة مجربة وممتازين يجونك عالوقت تدخلين اون لاين وتحجزين يجونك المطار انا اخذتهم في الذهاب والعوده وهذا الموقع
http://www.alphaminicab.com/
3) مثلا عندي يوم بروح الى لندن اي كيف اقدر اوصل لها من الفندق لأني كثير انحست اللي يقول باص ولازم له رقم مدري شلون اعرفه واللي يقول سيارة واللي يقول مشي
يعني كيف اقدر اتنقل هناك بشكل منظم وهل هناك وقت ويوم معين للندن اي وال river cruis ومن اين اقطع تذاكر هذين المكانين ؟
بالطريقة اللي تحبين كل شخص يفضل شي معين انا حبيت الاندرقراوند زوجي ماحبه وبعض الناس تجد الباصات اسهل عموما هناك شرح وافي للاندرقرواند في توقيع المشرف موادع بيفيدك كثير طبعا ابتعدي عن التكاسي لانها مكلفة جدا
4) انا بحجز بالقطار الى ويندرمير موجود لهم موقع حجز تذاكر القطار اون لاين طيب اذا حجزت هل لازم اروح هناك واقطع تذكرة ولا يكفي عن طريق النت وهل بضيع بالمحطة خصوصاً بأرقام الأرصفة ومحطات التوقف وتغيير القطار كيف اعرف القطار اللي بنتقل منه في محطات التوقف ؟وضحوا لي الله يعافيكم لأني متخوفه من الضياع في المحطات
ابدا الموضوع سهالات بيعطيك رقم الحجز احفظيه بتروحين هناك في ماشين تحطين رقم الحجز تطلع لك التذكرة طبعا هذا لما تروحين وقت الرحلة وعموما في هيلب دسك لو توهقتي اهم شي الفيزا اللي حجزتي فيها تكون معك وبالتذكرة يبان لك رقم الرصيف وكل حاجة بتعرفين محطات التوقف وكل حاجة الموضوع سهل ولاتخافين
5) اذا وصلت ويندرمير هل سهل احصل على تاكسي للفندق ؟ علماً بأنه macdonald old
englan hotel & spa
اي سهل بتلقين تكسي احنا كانت حرمة وتواعدت معها تجينا بالرجعه
6) فيه شيء قريت عنه هنا من خلال مشاركتكم اسمه قسيمة ضرائب المشتريات هل هي في كل محل نشتري منه ناخذ منه هالقسيمة وبعدين وش نسوي فيها وممكن لو تكرمتوا اسمها بالإنجليزي ؟
اسمها tax free
اذا شريتي اي شي اطلبيها يعملونها لك قبل لاتروحين المطار راجعه للوطن تروحين للدسك الخاص بالتاكس فري وتكونين معبية المعلومات المطلوبه يرجعون لك قيمة الضريبه بالطريقة اللي تحبين اما كاش او فيزا
7) كيف هو الجو من وسط الى نهاية سبتمبر سواء في لندن او ويندرمير؟
اعتقد بيكون الجو جميل وممطر انا في اوكتوبر باذن الله اعتقد سبتمبر الطف برودة من اوكتوبر ومااتوقع يكون حار مرة
اتمنى الإجابة على تساؤولاتي
واذا كان لديكم اي نصيحة او توجيه او اقتراح لزيارة مكان معين فلاتبخلوا علي به علماً بأن مدة رحلتي ستكون 11 يوماً وأود رؤية المناطق الريفية بجمال طبيعتها اكثر من المدن بإزدحامها
المدن الريفيه جميله لكن صدقيني ممكن تملين منها انا رحت ويندرمير 3 ايام احس كافيه جدا جدا
اهم شي انبسطي بلندن وباذن الله حتحيبها لان فيها تنوع عجيب ومميز
ورحلة ممتعة وموفقه وان شاء الله اكون افدتك باللي اقدر عليه
ولكم جزيل الشكر