و عليكم السلام و رحمة الله و بركاته.علينا و عليك ينعاد إن شاء الله.
و أيامك سعيدة مقدماً.بالنسبة لهذه المحلات...
متواجدة بجانب بعض بجانب قصر السيف, في شارع الخليج العربي...
أيْ, تخلي البحر على يمينك, و تكمل للأمام بعد سوق شرق و الدوار...
ستلاقي مجموعة من المحلات المتجاورة على يدك اليسار.
جميعها متخصصة في أغراض الغوص و الصيد البحري,
و غيرها من الأمور.و هذه خريطة بسيطة للتوضيح.تقبل تحياتي...

الله يعطيك العافيه اخوي ضاري
ماقصرت وبيض الله وجهك وعساك عالقوة
بس لو احد يقدر يجيب ارقام تلفوناتهم اكون شاكر ومقدر
لأني من السعوديه وأبي اتأكد من أسعارهم والمقاسات المتوفرة
تحياتي

هذا واجبنا أخي الكريم...
و إن شاء الله بأقرب فرصة راح أحاول أمر عليهم أو آتيلك بأرقامهم.
تقبل تحياتي

لالالالالالالالالالالالالالالالالالا
الله يرضى عليك اخوي ضاري لاتروح
ما ابي اكلف عليك
ان شاء الله يجي احد من الاعضاء يكون له علاقه بالأشياء هذي ويجيب ارقامهم
احرجتني بكرم أخلاقك اخوي
مشكور وكثر الله خيرك
تحياتي