السلام عليكم اخواني
وكل عام وأنتم بخير..
فيه نقطه مهمه تطلبها السفاره النمساويه
معذره تكلمنا عنها في أحد المواضيع, لكن حبيت اطرح هالنقطه بموضوع منفصل حتى
نسمع تجارب أكبر عدد ممكن والكل يستفيد... وهي:
مكتب السفاره اللي بالخبر لما رحت اقدم اوراقي لي وللأهل..
أعطاني موعد مع الاشاره بتغيير صور الأهل
طلب صور تكون بحجاب لكن بدون تغطية الأذن!!
وفعلا ذهب زميل آخر هنا بالمنتدى لمكتب الخبر وطلب منه نفس الطلب..
فهمته أن حنا متقيدين با التعليمات المكتوبه بموقع السفاره
إن الصوره يكون تخطيط الوجه واضح وماكان موضح كشف الأذن..
قال الان لازم كشف الاذن..
واتصلت للسفاره بالرياض سألتهم وردت اللبناني قالت نعم لازم كشف الاذن,
فما رأيكم يا اخوان ؟؟ هل حصل معكم نفس الشي؟؟
بصراحه الاهل مو مقتنعين يصورون بهالطريقه
يقولون راح يبين جزء من الشعر وهذا مخالف شرعاً..
أعتذر عن الاطاله, وننتظر تجاوبكم
تحياتي