Mish3L Bin Ibrahim
28-10-2022 - 08:44 am
السلام عليكم جميعا !!
إن شاء الله بشهر أكتوبر القادم اللي هو ذو الحجه مسافر انا و معي 3 من أخوياي ل ايطاليا !!
و بما إني منسق السفره حددنا عدد الايام 11 يوم !!
بتكون 4 أيام ميلانو .. 2 يومين فينيسيا .. 4 أيام روما !!
طبعا أنا مدري عن ميزانية السفره كم تكلف لكن أعتقد 10 ألاف ل كل واحد مننا تكفي !!
اللي أبي استفسر عليه : كم تعتقدون ميزانية السفره بتكلف لو كنا 4 أشخاص و بنسوي قطه
و انا ما اعرف كثير ب ايطاليا بحكم انها بتكون اول سفره عشان كذا خليتها 4 ايام ميلانو و 4 ايام روما , اذا فيه أحد خبير هناك و يقدر يعطينا مقترحات على قد ميزانيتنا أكون شاكر له !!
ياليت ألقى مساعدتكم لآني بحجز الايام هذي و اضبط كل شي قبل ارتفاع الاسعار
يومين فينيسيا تغتصر على سان ماركو وجسر ريالتو وركوب الجندولا بما ان فنيسيا مافيها غير هذا
وزياره جزيره مورانو الي فيها مصنع الزجاج
اربع ايام ميلان الباص السياحي والجلاريا والدومو
ثاني يوم زياره كومو و لوقانو
ثالث يوم زياره جاردا وجاردا لاند
رابع يوم التسوق في سيرفالي اوت لت
روما اليوم الاول بما ان نصه ضايع اكتشاف المدينه بالتجول في شارع فينيتو وساحه بربري وشارع كروسو
ثاني يوم الكولسيوم ونافوره الحظ وساحه فينيزا
اليوم الثالث الدرجات الاسبانيه وساحه الرسامين
اليوم الرابع زياره حدائق تيفولي فيلا دستي او زياره بحيره البانو