أخوي koko يبعد مطار الملك فهد عن وسط مدينة الدمام حوالي 36 كلم والوقت بالسيارة بين ثلث ساعة إلى ساعة الاربع إذا سلكت طريق الخليج العربي بعيداً عن داخل المدينة ، ومحل تأجير السيارت يوجد ذيب لتأجير السيارات وبن هادي وغيرها من الشركات والحفريات الآن متركزة على طريق الأمير نايف لإنشاء كوبري أثنين وعلى طريق الملك فهد لإنشاء نفقين مع كوبري فوق أحد النفقين والعمل فيهما مستمر على قدم وساق أما بقية الشوارع الرئيسية في المدينة فمعظمها مفتوحة .

الدمام مدينة التحويلات
مادري شقاعدين يسوون بطريق الملك فهد مو معقول كل ذا المده كان نصه الحين كل الطريق
الظاهر قاعدين يحفرون بالملعقه !
دامك ماتعرف الطريق بضيع وبيدوخ راسك من التحويلات خذ تاكسي من المطار
بعدين استأجر من الدمام

انا توى راده من المطار اليوم
الطريق واضح ميضيع فيه تحويله بس انت بيكون طريقك سيده
انا ساكنه هناك
الطريق تاخذ سيده كل تحويل تكمل سيده وبتجيك كباريه خلك تحته الين تشوف استاد الامير محمد بن فهد خذ من عند الكوبري يسار يعني اطلع فوق الكبري هذا وخذ يسار بتشوف الاستاد على يسارك كمل سيده الاين يجيك فندق الشيراتون على يمينك كمل بعد سيده بيجيك دوار ياتروح يمين او يسار هذا بيكون بدايت حي الشاطى يمينك ويسارك
والله يسهل عليك
وحياك الله في الشرقيه

أأأستغفر الله
هذا الكلام الصح والاسلم من التحويلات في الشوارع الثانيه

ياخوي تراك رايح للدمام مو طوكيو بعدين هل فية بلدة بدون تحويلات والا مدينة بالمملكة لولا التحويلات ما صار فيه اقريشات ومشاريع للمحتاجين ؟؟؟؟؟؟؟؟ ههه