000 0 0 00 00
0 < / / / / <
0
000

الاخ رياضي ,, بعد التحيه / (1) بخصوص التاشيره لايمكنك اخذها الا من السفارة الموجوده في بلدك بحسب الشروط المطلوبه ,(2) الا اذا كنت موظف مثلا في الكويت يمكنك اخذها بعد تقديم كتاب استمرارية راتب (كشف حساب لمدة 6 اشهر)+تفصيل راتب+2 صورة شخصية+ مبلغ التاشيرة ,, (3) يمكنك اخذ التاشيرة من مطار دبي في حالة اذا كنت من رجال الاعمال ( يجب ان تكون المهنة المسجلة في جواز سفرك رجل اعمال) هذه الطرق الصحيحة ولك الاختيار ,,, اما بالنسبة للخطوط فانا في الكويت واقدر افيدك عن طريق الكويت فقط ,, (1)تليفون مكتب الخطوط اليونانية-اولمبك 009652420002 (2) السبت والخميس مباشر (دايركت) كويت- اثينا (3) الاثنين والاربعاء انتظار ساعة في دبي بنفس الطياره بدون نزول كويت - دبي ساعة - اثينا // ملاحظة يجب مراعاة خط العودة نفس القصه يوجد انتظار وايضا يوجد مباشر (4) سعر التذكرة كويت اثينا كويت من 170 الى185 دينار كويتي اضرب في 12 = ريال سعودي مع مراعاة ارتفاع اسعار التذاكر بعد 1/6/2006 الموسم الصيفي ,, مع تمنياتي لك برحلة موفقه وتروح وترجع سالما غانما .

السلام عليكم
بالنسبة للسفر لليونان افضل خط سير حصلته كان عن طريق الخطوط القبرصية : جدة - الرياض - لارنكا - اليونان ( اثينا - ثيسالونكي ).
سعر التذكرة كان 2200 ريال تقريبا.
وقت الانتظار في لارنكا اذا كنت رايح اثينا ماهي طويله اما ثيسالونكي تاخذ 12 ساعه .
اما التأشيره طلعتها من قنصليتهم في جدة وكانت طلباتهم :
تعريف عربي
تأمين سفر
صورتين للوجه فقط مكشوف الرأس
تذكرة ذهاب وعوده
وحجز فندق
رسوم تقريبا 170 ريال ( تأشيرتي كانت اسبوع )
واخذت تقريبا اقل من 10 ايام
بالنسبة للخطوط القبرصية كانت جيده نوعا ما والانتظار في الرياض ساعه تقريبا وكان تعاملها في المطار اكثر من ممتاز بالنسبة للترانزيت.
سفرتي كانت في 20 ابريل
اي معلومات اخرى انا حاضر.
تحياتي
ابو ناصر

هلا وغلا باللي ردوو مع الاعتذار للجميع لعدم انتباهي يعلم الله
سمنان - السحاب - green - abo_nasser
أخوي او ناصر لدي سؤال اتعبني جداً وهو طريقة الانتقال من أثينا الى الحجز عن طريق السفن قال لي أحد زملائي ان الرحلات تذهب في فترات الصباح فقط اي لا توجد رحلات مسائية هل هذا صحيح
السؤال الثاني / هل أستطيع ان اذهب مباشره الى الميناء وأقطع تذكره الرحله من دون ان اذهب الى المكاتب السياحية في ساحة السينتجما حتى اختصر الوقت
أخرت رحلتي حتى اتفهم الوضع وأكون أكثر ترتيبا وانا احب الاختصار في الرحله خصوصاً اني لا ارغب ان تكون بديتي في أثينا اريد ان اذهب الى الجزر القريبه اولاً بالباخره وليست الطائرة لانها على حسب علمي أكثر متعه واكثر توفيراً اي ما عادل ربع قيمة الطائره
ارجوا ان لا اكون اثقلت عليك
تحياتي

الاخ رياضي
السلام عليكم
بالنسبة لرحلات العبارات اعتقد انها تختلف وممكن تحصل في المساء ايضا.
بس وش الجزيرة اللي تبي تروح لها واسم الميناء فيها؟؟
http://www.ferries.gr/booking/
عن طريق هذا الرابط تقدر تشوف جدول الرحلات واسعارها وتقدر تحجز عن طريقهم .
اذا تبي تروح من المطار على الميناء يستحسن انه يكون معك تذكره وحجز عشان ما تتوهق هناك.
سعر تذاكر العبارات يختلف من ميناء الى ميناء بس حط في اعتبارك سعر التوصيل من المطار الى الميناء لانه تكاسي المطار غاليه ( وصلني من المطار الي الفندق في اثينا ب 45 يورو) فيه بدايل اخرى مثل الباص او الميترو.
واي خدمة انا حاضر
ابو ناصر

لا عدمناك يا ابو ناصر والله اني انتخيت بجبل
مشكلتي يا ابو ناصر هي ان واحد من الزملاء ملح علي اني اروح معه للنمسا وسويسرا والمجر والدول اللي حوليها بحكم انه اول مره وراح يستأجر سياره ويسوي لفه وانا والله كل ما جيت ارتب لليونان طلع لي وقال لا فالظاهر والله أعلم اني بخلي اليونان في العوده يعني فينا اثينا وبشوف الاسعار وابترك زميلي يرجع للرياض
عموماً اشكرك اولاً وأخيراً وتأكد اني لن أستغني عن مشورتك ولن أستغني عن أخ مثلك
سوال عارض / هل انت من الرياض ؟؟
تحياتي ودعواتي الصادقة للجميع ولك يا ابو ناصر بالاخص

الاخ رياضي .
ما سوينا الا الواجب طال عمرك .
ورحلة سعيدة سواء لليونان او للنمسا وما حوليها.
واي معلومات او اي مواقع عن اليونان تراني حاضر لك وللجميع.
للاسف اخوي رياضي ماني من الرياض انا من جدة.
وحياك الله في اي وقت.
اخوك ابو ناصر