أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم
اخواني الأفاضل
بخصوص بوركاي تنصحوني بأي الفنادق تكون في موقع أستراتيجي وكل شئ قريب منك
ياليت يكون السعر مابين 200ريال إلى 300ريال لليلة الواحدة
وأيهما أفضل مكان للسكن في بوركاي
انتظر ترشيحاتكم
^
^
مشرفنا العزيز صح وقت الاجازة زحمة والاسعار غالية شوي لكن من وجهة نظري يازينها الزحمة والهجولة مع العالم وحشر مع الناس عيد
وبالعكس كلما كانت ازحم زادت الوناسة
عااشق السفر
الفنادق ياكثرها في بوراكاي انواع واشكال وعلى حسب ميزانيتك تلقى الي تبي
والافضل يكون الفندق في احد الستيشنات 1 والا 2 او 3 يفضل 2 لانه جاي بنص اللونق بيتش وقريب من الدي مول
طبعاً فيه عندك طريقتين للحجز يا اما انك تحجز بنفسك عن طريق النت بعد ما تتأكد من وقت ذهابك بعد شراء التذاكر وهذا الي سويته انا وتوهقت
طلع الفندق الي حجزته فوق الجبل عشان كذا تأكد من العنوان لازم يكون احد الستيشنات
او انك لما توصل مانيلا على طول تدز لاقرب مكتب سياحي وتشوف عروض الباكجات الي عندهم
تحياتي لك واتمنالك سفرة فلاوية
حبيبنا رجنت تسم يالغلا ويعطيك ربي العافية
الزاحف https://artravelers.com بس إن شاء الله ماتزعل منها ههه واحد دق الميانة على طول
يعطيك ربي العافية وماقصرت يابطل ..
بصراحة بحثت عن الفنادق الي في أستنشن 2 واحترت فنادق عد وأغلط بس ودي شئ معروف ومجرب
عموماً ماقصرتم وبارك الله فيكم
اخواني ياليت يكون فيه شرح وافي منكم عن الستيشنات وش المقصود منها بالضبط لاني اعرف بوركاي طالعه كل المنتجعات تقريبا على شاطئ واحد والي فيه منتجعات الريجينسي .
عااشق السفر
هع هع هع هع
تمون طال عمرك بس لا عاد تتعودها خ
بالنسبة لاي فندق تختاره واتخاذ القرار والله مواقع الانترنت الحين ما خلت شي كل المواصفات تلقاها مع الاسعار والصور وفيه مواقع حجز كثير تلقى فيها مراجعات reviews من الزبائن الي سكنوا فيها مفيدة جداً.
فانت رتب الاولوية بالنسبة لنتائج بحثك من حيث مناسبة السعر اولاً وبعدها المواصفات ثانياً بعدين قرر وترا كل الفنادق الي في بوراكاي على مستوى يعني لا تشيل هم لانها منطقة سياحية عالمية.
ومو شرط تحجز من الحين, فقط جمع معلومات عن الفنادق عشان اذا رحت مانيلا ومريت المكاتب السياحية يصير عندك خلفية وانت تسألهم عن فنادق معينة حاطها في راسك وعن اذا كان عندهم عروض لها
واذا كان لا احجز بنفسك من النت وانا في رحلتي الاخيرة حجزت الفندق من النت قبل راس السنة بيومين يعني في عز الموسم ولقيت فندق.
^
^
كلامي كثير وبدون نتيجة خ
عاشق النورس
عاشق النورس الستيشنات هي جمع ستيشن
بالانجليزي station وتعني محطة وهي محطات لتوقف الزوارق على اطول شواطئ بوراكاي وهو الوايت بيتش وتوجد في بوراكاي ثلاث محطات للزوارق من غير ميناء الجزيرة الرسمي ومن غير المرافئ الخاصة.
ولان اغلب الفنادق والسياحة متركزه على الوايت بيتش تم اصطلاحياً ثم رسميا تجزأت المناطق على حسب محطات الزوارق
ولتفاصيل اكثر عن بوراكاي هنا دليل خبيرنا أبوحسين https://artravelers.com/p/re/423061
تحياتي
مرحبا بك
هذي ارخص فنادق بوراكاي من 2000بيسو وانت نازل اخترت لك الي ع الوايت بيتش لاكن عليك نسخها ووضعها في محرك البحث جوجل لان اكثرها تحجز من الموقع مباشره وبعضها تجد عندهم عروض وبعضها تلقاها ع اقودا او اسيا ترفل
وللتوضيح جزيرة بوراكاي طولها 7 كيلو مقسمه للوايت بيتش 3 استشنات وبالخلف بولابوق بيتش استيشن 4 واستشن 5 في المرتفع هذي الزبده كما هي الصوره
وللفائده اكثر هذا الموقع اختر الاستيشن الي تبغاه في الخريطه ويوضحلك الفنادق والمنتجعات من الاغلى الى الارخص وبالجنب رقم الفندق او المنتجع ويوضحلك موقه بالخريطه الجانبيه وهذا الرابط للفائده العامه اطلع عليه
ونقلت لك هذه القائمه
ستيشن2
Boracay Peninsula Resort
Villa de Oro
La Fiesta
Boracay De Paris Resort
ستيشن 1
Blue Waves
ستيشن 3
Arwana Boracay
Blue Mango Inn عنهم عروض ممتازه
Villa Camilla Beach Resort
Sulu Plaza
Casa Pilar Beach Resort
Morning Beach Resort
بصراحه بروكاي فيها من الفنادق الكثير
لكن انتبه انت اذا وقتك بيكون الشهور القادمه اجازة صيفيه لديهم يعني مزدحمه وابتعد عن ايام الويكند