medzi
08-07-2022 - 07:31 pm
السلام عليكم و رحمه الله و بركاته
دي أول مشاركه ليا في المنتدى المتميز ده
و كان عندي إستفسار
أنا حصلت على منحه تابعه لمؤسسه أميركيه و ده بالتعاون مع ال USAID
المهم إنهم طلبوا مني ورق من الشغل بتاعي يفيد إني شغال فعليا ً و أنا قدمته و كله تمام
المشكله إن عقدي في الشركه اللي أنا فيها إنتهى الأيام دي و مبقاش عندي قدره إني أجيب ورقه من الشغل علشان أقدمها للسفاره في الأيام الجايه و مش عارف أعمل إيه
لو قولت إن عقدي خلص مظنش السفاره ب تدّي الفيزا لحد من غير عمل !!
أنا صيدلي و كنت شغال في شركه أدويه اللي عقدي فيها إنتهى
و برضو أنا مسجل في وزاره الصحه كمدير لصيدليه هنا في مصر
طيب هل ممكن أجيب لهم ورقه من الصيدليه ( على أساس إنها وظيفتي برضو ) ؟
هو مده السفر شهرين بس
و جزاكم الله خيرا ً يا جماعه يا ريت حد يفيدني أعمل إيه
لأني كنت مش متطمن إنه يبقى فيه إختلاف بين وظيفتي ف الأوراق المقدمه لليو إس آى دي و الاوراق المقدمه للسفاره
بالتوفيق