النورس aaa
01-05-2022 - 02:45 am
السلام عليكم ورحمة الله وبركاته ..
مبارك عليكم شهر رمضان المبارك .. أخواني وإخواتي أنا وزوجتي بنسافر شهر عشره لالمانيا والنمسا بمشيئه الله ..
أول سؤال عن الجو في شهر اكتوبر كيف راح يكون ؟
بنزور قارمش والمناطق اللي عدالها فهل تدلوني على مناطق قريبه من قارمش وتكون ريفيه ؟
في سالزبورغ إذا تيسرت الامور سوف نسكن في فندق ramada salzburg city centre وراح تكون معنا سياره للتنقل بس بغيت أعرف الباركن مال السياره بفلوس كيف طريقة الدفع للباركن هل اول ما اوصل الفندق تكون في مكينه اروح اسحب منها ورقه لليوم كامل او اني ادفع في الفندق نفسه كل يوم بيومه او كيف طريقة الدفع علما انه هالشي بيواجهني في سالزبورغ وبادن بادن وميونخ ؟
طريقة الدفع للفندق يعني إذا كنت ابا ادفع بالفيزا لعدد الايام التي سوف اقضيها في الفندق والتامين ابا ادفعلهم كاش يعني بعد ما اسوي شيك اوت اخذ فلوس التامين يصير والا ما يصير وكم تبلغ قيمة التامين هل نص قيمة الايام اللي بقعد فيها في الفندق او اقل ؟
ومشكورين ويزاكم الله خير ..
طالبنكم للمساعده يا الطيبين ..