امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Hell
18-09-2022 - 07:18 am
السلام عليكم
تحية طيبة لكم إخواني,,
أولاً أوجه شكر خاص للجميع على التعاون والإفادة والإرشاد للأخوة المحتاجين لذلك
ومافي تقصير والله , وإن شاء الله ننضم إلى قائمة المساعدة في المستقبل
الحقيقة ,, أن أنا مخلص ثانوي هذي السنة والحمد لله , وللأسف ما توفقنا غير بجامعة الملك عبد العزيز وأنا في الشرقية والأمور بعيدة !
ف في فكرة طرحها الوالد هو السفر على حسابه ومن ثم الإنضمام إلى الحكومة,,
عاد تحملوني عندي عدة أسئلة يمكن أثقل عليكم بها!
  • حسب ما وصلني أن وزارة التعليم العالي غيرت فكرة أنك تدرس سنة وتنضم للحكومة , أحد الإخوان قال لي تدرس سنة ومن ثم 4 أشهر في الجامعة وبعدين يضموك,,

مدى صحة هذا الكلام ؟ وهل هناك أمور أخرى حول هذا الشي ؟
  • الفيزا

هل الفيزا تتطلب عمل فحص طبي ؟ ( كما في فيزة أستراليا )
الآن نجي إلى أمريكا,,
الحقيقة أنا واحد أرغب أعيش في ولاية أو العرب فيها قلة وآمنة,,
وأعتقد التخصص إلا راح أدخله إما هندسة أو حاسب من علوم وأمن معلومات وغيرها,,
على العموم.. ياريت تدلوني على ولاية أو مدينة مناسبة , وإنتوا أخبر
المحلقية حقت المملكة بأمريكا
بصراحة ما فهمت الأمر , قريت أكثر من موضوع لكن ما إستوعبت,,
هل لازم أروح الملحقية أول ما أروح أمريكا وأقدم وأوراقي ؟
كذا مرة قريت أن الملحقية تستقبلك , لازم أطلب الإستقبال منها وكذا ؟
وفي أي مدينة تتواجد ؟
بالأخير,,أفضل خط طيران أو إلا تنصحوني به
من الدمام إلى المكان إلا تشوفوه مناسب في أمريكا
ويعطيكم العافية وما قصرتوا
واسمحوا لينا ثقلت عليكم
لكن لإذن واحد أحد إن تم السفر في أمريكا
نخدمكم من العينين
كل التوفيق


الدراسة في امريكا
التعليقات (3)
Hell
Hell
غريبة,,
مافي ولا رد إفادة ولو بنقطة واحدة
أستغرب بوابة بحجم أمريكا لا يوجد من يفيدنا
يا جماعة الخير أفيدونا , والله علينا حق لكم إذا أفدتونا وابتعثنا نرد الحق للأعضاء المحتاجين مساعدة

pizza
pizza
  1. كذا مرة قريت أن الملحقية تستقبلك , لازم أطلب الإستقبال منها وكذا ؟

  2. وفي أي مدينة تتواجد ؟


مرحبا اخوي
بحاول اجاوب عالاسئلة اللي اعرفها والباقين اكيد الاعضاء مابيقصرون
  • حسب ما وصلني أن وزارة التعليم العالي غيرت فكرة أنك تدرس سنة وتنضم للحكومة , أحد الإخوان قال لي تدرس سنة ومن ثم 4 أشهر في الجامعة وبعدين يضموك,,

مدى صحة هذا الكلام ؟ وهل هناك أمور أخرى حول هذا الشي ؟
صح .. اول كان مسموح انك تروح تشوف قبول معهد لغة وبعد ماتخلصة تقدم عالالتحاق بالبعثة بس الوزارة عرفوا الخطة لان الكل صار يسوي هالحركة فمنعوا هالحركة ...
وصارت الوزارة ماتحسب لك الساعات اللي اخذتها بدراسة اللغة ..
تبدا تحسب من الجامعه ... بعد ماتخلص 30 ساعه بمعدل كويس ( مو متأكدة كم لازم يكون ) بعدين توافق على الاتحاق بالبعثة ..
وانا ائئيد هالشي عالاقل عشان مو كل من هب ودب التحق بالبعثة ... كذا الوزارة تتاكد من جدية الطالب ورغبتة بالدراسة ..
  • الفيزا

هل الفيزا تتطلب عمل فحص طبي ؟ ( كما في فيزة أستراليا )
الفيزا ‘ لا ماتتطلب فحص طبي
ولكن اغلب الجامعات تطلب هالشي ... مو متاكدة هل هو فحص طبي شامل او فقط شهادات التطعيمات اللي اخذتها ..
الآن نجي إلى أمريكا,,
الحقيقة أنا واحد أرغب أعيش في ولاية أو العرب فيها قلة وآمنة,,
وأعتقد التخصص إلا راح أدخله إما هندسة أو حاسب من علوم وأمن معلومات وغيرها,,
على العموم.. ياريت تدلوني على ولاية أو مدينة مناسبة , وإنتوا أخبر
حسب معلوماتي العرب بكل مكان .. والجامعات اللي صار فيها انفجار سعوديين .. الوزارة وقفت الالتحاق فيهم ..
بس يمكن غيري يقدر يفيدك بالولايات اللي قلة فيها العرب ..
المحلقية حقت المملكة بأمريكا
بصراحة ما فهمت الأمر , قريت أكثر من موضوع لكن ما إستوعبت,,
هل لازم أروح الملحقية أول ما أروح أمريكا وأقدم وأوراقي ؟

كذا مرة قريت أن الملحقية تستقبلك , لازم أطلب الإستقبال منها وكذا ؟

وفي أي مدينة تتواجد ؟

اول شي قبل ماتروح تدرس على حسابك ... لازم تقدم اوراق ( الدراسة على حسابك الخاص ) للوزارة ... واعتقد الخطوات والفورمات والاشياء المطلوبة موجوده بموقع الوزارة ... حاول من البداية تخلص اوراقك مع الوزارة عشان بعدين مايسوون لك سالفة اذا رحت هناك وطلبت الالتحاق بالبعثة ...عشان لايمشكلوك ويأخروا موضوعك وتتوهق وتتضطر تدفع زيادة الين يمشون البعثة ..
وبالنسبة للملحقية ... مو متاكدة بس ماعتقد يستقبلوك الا اذا كنت تبع البعثة ... ( مش متاكدة برضو )
الملحقية موجودة بواشنطن ...
بالأخير,,أفضل خط طيران أو إلا تنصحوني به
من الدمام إلى المكان إلا تشوفوه مناسب في أمريكا
في خطوط طيران كثيره والاختيارات متعددة ... واعتقد انت وحظك ...
يمكن انصح لك طيران ويطلع مو كويس ...
السالفة حظوظ حسب رأيي ..
انا جربت برتش ايرويز من البحرين - للندن - لامريكا وكانوا كويسين ..
وبرضو انشالله يساعدوك باقي الاعضاء ..
بالتوفيق

Hell
Hell
يعطيك العافية أخوي وما تقصر,,
وأخيراً رديت
عطيتنا إفادة
ما قصرت وإن شاء الله أرد لك هالجميل
من ناحية الأماكن إلا العرب فيهم قلة
ما أقصد مافي عرب أبد , بس في أماكن في أمريكا تعرف كبيرة لازم العرب فيهم قلة
وشكراً لك


خصم يصل إلى 25%