الاحداثيات غير موجودة لكن نصيحة المشى فى النهار لانه خطر جدا
وبالامس شاهدت موضوع بمنتدى اخر عن هذا الطريق وربما الاخ
عسل 2020 سبق وان نزل موضوع عن هذا الطريق
لكن اذا انت مع عائلة والوقت طيب ينصح بزين الدروب ولو طالت
وطريق النعيرية طيب ويمدحونه

مسافر المملكة
الله يعطيك العافيه أخوي مسافر المملكة على الرد
لكن أنا أبغى الطريق أبي الطريق بالتفصيل وبالاحداثيات
أبمشي الصبح إن شاء الله
تقبل تحياتي

اطلع طال عمرك على طريق الدماام
حتى تشوف لوحة رماح
اطلع رماح بشكل طبيعي حتى تدخل المحافظة واذا وصلت الدوار الكبير في وسطها خذ يمين ثم اطلع الى اخر الطريق ثم اطلع يمين ثم امش 2كيلو ثم اطلع يسار
ثم اسأل

اخوي هالطريق خطر جدا
بس بوصف لك معه
وانت طالع من الكويت لاتروح سيدا مع الخفجي اتوقع لا اطلع يمين وامش لين تجيك محطه قبلها لفه يمين زفلت
روح معه امش شوي 500 متر الخط يروح شوي يسار انت اطلع تراب وروح شوي سيدإ راح يرجع الزفلت روح يمكن ساعه مع هالخط لين تجيك لفه يسار زفلت إيضا اطلع معها يسار وروح سيدا راح يجي تقاطع وعلى يسارك محطه روح بعد سيدا لين ينتهي فيك الخط تكون دخلت قريه العليا طبعا الخط يجبرك يمين روح يمين وخذ فوق تحت بعدين يمين مره ثانيه تدخل قريه العليا امش مع قريه لين نهايه الديره روح سيدا لين تجيك الرفيعه تدخل الرفيعه وبرضو سيدا لين يجيك لين تنتهي الديره اطلع يسار وامسك الخط راح تجيك شويه والديار هذي روح لين تدخل رماح
لين دخلت رماح اسئل قل ابي الرياض وابد الطريق من رماح للرياض سهل ,
لكن المشكله ب الخط اللي فوق ,
لان يبي لك كل محطه تعبي فل لان مسافه طويله بين كل محطه ومحطه والطريق كله سايد واحد رايح جاي ومظلم
انصحك تمشي بعد الفجر لكن ان قربت من شويه انتبه للنياق بوسط الخط ^_*

تروبيكانا 1 و مستر طارق
الله يعطيكم العافيه على مروركم الجميل وردكم الاروع
تقبلوا تحياتي