اخي saqSAW طريق حايل الجوف لم يفتتح بعد باقيله تكه ويخلص ....( تكه = سنه تقريبا ) الله يعينك تضرب مشوار من الرياض للمجمعه لحفر الباطن لرفحا لعرعر لطريف على القريات وتوصل الحدود السعوديه الاردنيه وتواصل مشوارك لسوريا.........
اما بالنسبه لشحن السياره مالك الا البسامي اظن سعره 400 ريال للقريات ومااظن يشحن برا السعوديه هذا والله اعلم .... تحياتي

بالنسبة لطريق القصيم حائل ابو عجرم
هذا الطريق لازال تحت الانشاء وهو سريع ذو ثلاث مسارات عسى الله يقضية
ويختصر المسافة تقريباً 550 كم
بالنسبة للطريق من الرياض الى المجمعة الارطاوية ام الجماجم مفرق رفحا هو انسب طريق لك الان
وشحن السيارة من الرياض ابحث عن الي يعطيك تخفيض ذهاب واياب تقريبا 700 ريال
الطريق داخل الاراضي الاردنية من الحدود السعودية الى السورية تقريبا 175 كم
ومن الحدود السورية الاردنية الى دمشق تقريبا 100 كم

الأخوان ما قصرو أعطوك المعلومات بالتمام وبالنسبة لشحن السيارة كل شركات شحن السيارات موجوده بالقريات ( الطريق الدولي للأردن ) ولكن أبحث عن الاسرع واعتقد أن البسامي هو الاسرع والسعر 700 ذهاب وأياب ولكن المشكلة الطيران من الرياض القريات الله لا يوريك أما المشوار بالسيارة من الرياض إلى الشام أعمل احساب مشوار قصير بس 1900 كيلوا الله يعينك وسفرا سعيدا

ما قصروا الشباب يعطيهم العافية
نعم شركات النقل عموماً جيدة ولكن عليك الحذر وعدم التعامل مع نقليات الفايز لأنهم للأسف ما يحترمون العملاء في المواعيد وهذا عن تجربة. هذا ناهيك عن أن أحد الأصدقاء قاموا ذات مرة بإنزال سيارته وكسروا له الشكمانين حق السيارة.
أتمنى لك وصولاً سالما ان شاء الله ورحلة موفقة

ألف شكر لأعزائي وأحبابي :
العيون الساهرة
السفير999
مسافر 120
الشمري ...
على ما أفدونا به ... ويعطيكم العافية ...
وكأنني قرأت في صحيفة الوسيلة أن هناك شركة نقل الى الشام ...
وكما قال أخي مسافر المسافة بعيدة .. وخصوصاً في الرجعة ....
لكن الطريق الذي ذكره المسافر 999 هو نفس الطريق الذي ذكره العيون الساهره ...
وهل هو أنسب وأفضل من طريق القصيم حائل ... لأن طريق المجمعة الحفر يسمونه المقبره من كثر الحوادث فيه .. وقانا الله وإياكم شر الحوادث ...

البسامي يشحن السيارة الى نصيب داخل الحدود السورية 2500 ريال ذهابا وايابا .. وعليك التريبتك 550 والتامين تدفعه للسوريين عند استلام سيارتك في الحدود .....

مشكورين يااخوان على هذه المعلومات...

وانت رايح ماعنك مشكلة خذ سيارتك لكن وانت راجع يفضل تشحن السيارة وترجع طيران لانك ساعتها تكون تعبان ومالك خلق تمسك طريق
وتوصل بالسلامة ان شاء الله

اخواني كلام الاخ جاك صحيح يوجد شحن دولي لدى البسامي أو الرسام الى داخل سوريا بس الاسعار غاليه شوي يعني من الرياض الى القريات ب 400 ريال واذا دهاب واياب ب 700 ريال يبقى عليك تقريباً 250 كيلوا فقط وتوصل سوريا ماله داعي تشحن دولي ب 2500 ريال تو متش اطمر على الموتر ووكل الله الا اذا كنت كاش ومعك بي ام 2005 يحق لك لو تبي تشحن بالطيارة ب 5500ريال اما انا سافرت كثيراً خط من الرياض وكان خط السير كالآتي :
الرياض - المجمعة - تمر الزلفي والارطاوية والغاط - حفر الباطن تمس على الطريق الشمالي متجهاً الى رفحاء بيجيك لوحه مكتوب رفحا يسار خلها ودز لين تجيك كلية الملك خالد العسكرية تعدها بعدين يسار الى رفحا - تمسك خط عرعر - طريف - القريات - توصل بالسلامة الى الحديثة - بعد كذا سم بالله وفلل بانزين وغسل وجهك من شحم الطريق كانك حاط فيري بعدين ادخل السعودية حاطين كباين ما تنزل من السيارة وقف وخذ الورقة جمارك الخروج بعدين ختم الجواز وعلى الاردن توصل الاردن لبق الموتر وانزل خلص أوراق السيارة من الجمارك نادر يفتشون بعدين ختم الجواز همن مشي داخل الاراضي الاردنيه دير بالك من التريلات تراهم مهابيل يسرعون ويحدونك خلك مفتح عيونك عدل الازرق لما توصل فيه مطعم الرياض عندهم منسف كويس انزل واضرب الكبسه بعدين حرك على الزرقاء لا تخاف منت مضيع الطريق سهل بعدين على الحدود السورية حدود جابر تسوي خروج من الاردن بعدين دخول سوريا نفس الشي تحول من الموتر جمارك جوازات وعلى دمشق قادماً من درعا بيلحقونك حقين التكاسي أول ما تقرب من دمشق عندنا شقق عندنا بنات طنشهم لا ترد عليهم واذا حدك احد منهم بالقوه انزل فقع وجهك ( ترا مالي دخل اذا جلدوك ) المهم لا ترد عليهم وخليك تطريقك كنك ما تشوفهم يمكن يسبونك ولا يذبون عليك حكي اذا ما ترديت عليهم خلك ثقيل اهداء وطبق المثل الي يقول يا غريب كن اديب وعاد بعد كذا مدري انت وش تبي زبداني ولا دمشق عندك شقه او تبي تستأجر عائلي او سياحي شباب ولا تبي فندق تمناتي لكم برحلة سعيدة
طيار2006 - مساكن برزه